കൊവിഡ് മുന്കരുതല് നിര്ദ്ദേശങ്ങള് ലംഘിച്ചു; ഖത്തറില് 137 പേര്ക്കെതിരെ കൂടി നടപടി
ദോഹ: ഖത്തറില് കൊവിഡ് നിയന്ത്രണങ്ങള് ലംഘിക്കുന്നവര്ക്കെതിരെ ആഭ്യന്തര മന്ത്രാലയം നടപടികള് ശക്തമാക്കുന്നത് തുടരുന്നു. നിയമം ലംഘിച്ച 137 പേര് കൂടി ഞായറാഴ്ച പിടിയിലായതായി അധികൃതര് അറിയിച്ചു. ഇവരില് 136 പേരെയും മാസ്ക് ധരിക്കാത്തതിനാണ് അധികൃതര് പിടികൂടിയത്. മൊബൈലില് ഇഹ്തിറാസ് ആപ്ലിക്കേഷന് ഇല്ലാതിരുന്നതിന് ഒരാളെയും അധികൃതര് പിടികൂടി. പിടിയിലായ എല്ലാവരെയും തുടര് നടപടികള്ക്കായി പ്രോസിക്യൂഷന് കൈമാറി. കൊവിഡ് നിയന്ത്രണങ്ങള് ലംഘിച്ചതിന്റെ പേരില് ഖത്തറില് ഇതുവരെ ആയിരക്കണക്കിന് ആളുകളെയാണ് ആഭ്യന്തര മന്ത്രാലയത്തിലെ ഉദ്യോഗസ്ഥര് പിടികൂടി പ്രോസിക്യൂഷന് കൈമാറിയിട്ടുള്ളത്.