യുക്രൈന്‍ അധിനിവേശം; യുഎന്‍ സെക്രട്ടറി ജനറല്‍ പുടിനുമായും സെലന്‍സ്‌കിയുമായും കൂടിക്കാഴ്ച നടത്തും
Related Posts
യുഎന്‍ സെക്രട്ടറി ജനറല്‍ അന്റോണിയോ ഗുട്ടെറസ് റഷ്യന്‍ പ്രസിഡന്റുമായി കൂടിക്കാഴ്ച നടത്തും. അന്റോണിയോ ഗുട്ടെറസ് മോസ്‌കോയിലേക്കുള്ള യാത്രയിലാണെന്ന് യുഎന്‍ വക്താവ് അറിയിച്ചു. ചൊവ്വാഴ്ച റഷ്യന്‍ പ്രസിഡന്റ് വഌഡിമിര്‍ പുടിന്‍ ഗുട്ടെറസിനെ സ്വീകരിക്കും. റഷ്യന്‍ വിദേശകാര്യ മന്ത്രി സെര്‍ജി ലാവ്‌റോവുമായി ഗുട്ടെറസ് ചര്‍ച്ച നടത്തും. തുടര്‍ന്ന് കീവിലേക്ക് പോകുന്ന യുഎന്‍ സെക്രട്ടറി ജനറല്‍ വ്യാഴാഴ്ച യുക്രൈനിയന്‍ പ്രസിഡന്റ് വഌദിമര്‍ സെലെന്‍സ്‌കിയുമായും വിദേശകാര്യ മന്ത്രി ദിമിട്രോ കുലേബയുമായും കൂടിക്കാഴ്ച നടത്തും.
