കാറപകടം: ഇന്ത്യൻ വിദ്യാർഥി യുഎസിൽ അന്തരിച്ചു

മാസച്യുസിറ്റ്സ്: യുഎസിലെ മാസച്യുസിറ്റ്സിലെ പ്ലിമൗത്ത് കൗണ്ടിയിലെ വാഹനാപകടത്തിൽ ഇന്ത്യൻ വിദ്യാർഥിക്ക് ദാരുണാന്ത്യം. ഹൈദരാബാദിലെ ഖൈരതാബാദ് സ്വദേശിയായ മുഹമ്മദ് വാജിദ് (28) ആണ് ജനുവരി 28ന് നടന്ന വാഹനാപകടത്തിൽ കൊല്ലപ്പെട്ടത്.

വാജിദ് ഓടിച്ചിരുന്ന വാഹനം ട്രക്കുമായി ഇടിച്ചായിരുന്നു അപകടം. യുവാവ് സ്റ്റോപ് സൈൻ ശ്രദ്ധിക്കാതെ പോയതാണ് അപകട കാരണം. ട്രക്കിലേക്ക് ഇടിച്ചുകയറിയ വാഹനം രണ്ടായി പിളർന്നതായി അയോവ സ്റ്റേറ്റ് പട്രോൾ അറിയിച്ചു. ഉടൻ തന്നെ യുവാവിനെ ആശുപത്രിയിലെത്തിച്ചെങ്കിലും  ജീവൻ രക്ഷിക്കാനായില്ല.