![](https://christianexpressnews.com/wp-content/uploads/2025/02/0-Recovered-Recovered-13.jpg?v=1738832245)
സര്വീസ് ലാഭകരമാക്കാനുള്ള പാക്കേജ് അവതരിപ്പിച്ച് സിയാല്; ലണ്ടന് വിമാന സര്വീസ് നിര്ത്തില്ലെന്ന് എയര് ഇന്ത്യ
കൊച്ചി: സംസ്ഥാനത്ത് നിന്നുള്ള ഏക യൂറോപ്യന് സര്വീസായ എയര് ഇന്ത്യ കൊച്ചി-ലണ്ടന് വിമാന സര്വീസ് നിര്ത്തില്ല. മാര്ച്ച് 28 മുതല് സര്വീസ് നിര്ത്തുമെന്ന എയര് ഇന്ത്യയുടെ അറിയിപ്പിനെ തുടര്ന്ന് സിയാല് അധികൃതര് വിമാന കമ്പനിയുമായി നടത്തിയ കൂടിക്കാഴ്ചയിലാണ് ഇതു സംബന്ധിച്ച ധാരണയില് എത്തിയത്.
ചൊവ്വ, വ്യാഴം, ശനി ദിവസങ്ങളിലാണ് കൊച്ചിയില് നിന്ന് ലണ്ടന് ഗാറ്റ്വിക്കിലേക്കുള്ള നിലവിലെ വിമാന സര്വീസ്. ഈ സര്വീസ് മാര്ച്ച് 28 ന് നിര്ത്തുമെന്ന് എയര് ഇന്ത്യ അറിയിച്ചിരുന്നു. സംസ്ഥാന സര്ക്കാരിന്റെ നിര്ദേശ പ്രകാരം മാനേജിങ് ഡയറക്ടര് എസ്. സുഹാസ് ഇന്ന് ഗുര്ഗാവിലെ ആസ്ഥാനത്ത് എയര് ഇന്ത്യ അധികൃതരുമായി കൂടിക്കാഴ്ച നടത്തി.
ലണ്ടന് വിമാന സര്വീസ് ലാഭകരമാക്കാനുള്ള പാക്കേജ് ചര്ച്ചയില് സിയാല് അവതരിപ്പിച്ചു. സര്വീസ് മുടങ്ങാതിരിക്കാന് നടപ്പിലാക്കേണ്ട കാര്യങ്ങളെക്കുറിച്ചും ഏകദേശ ധാരണയായി. ഇക്കാര്യത്തില് സാങ്കേതിക അനുമതിയ്ക്ക് ശേഷം മാസങ്ങള്ക്കുള്ളില് സര്വീസ് പുനരാരംഭിക്കാനാകുമെന്നും വിമാനങ്ങളുടെ ലഭ്യത അനുസരിച്ച് സര്വീസുകളുടെ എണ്ണം വര്ധിപ്പിക്കാനാകുമെന്നും എയര് ഇന്ത്യ അറിയിച്ചു