പാക്കിസ്ഥാനിലെ ഗ്രാമത്തിൽ ക്രൈസ്തവർക്കു നേരേ ആക്രമണം.
ലാഹോർ: പാക്കിസ്ഥാനിലെ പഞ്ചാബ് പ്രവിശ്യയിലെ ഗ്രാമത്തിൽ കത്തോലിക്കാ വിശ്വാസികളെ പ്രദേശത്തെ മുസ്‌ലിം വിഭാഗം അതിക്രൂരമായി ആക്രമിച്ചു. ചില്ലുകഷണങ്ങൾ, കല്ലുകൾ, കോടാലി, വടികൾ തുടങ്ങിയവകൊണ്ടായിരുന്നു ആക്രമണം. ചക് 5 ഗ്രാമത്തിൽ ശനിയാഴ്ചയായിരുന്നു ആക്രമണം അരങ്ങേറിയത്.
80 കത്തോലിക്കാ കുടുംബങ്ങളാണ് ഗ്രാമത്തിലുള്ളത്. ഇരുന്നൂറിലധികം മുസ്‌ലിംകളാണ് ആക്രമണം നടത്തിയത്. എട്ടു പേർക്ക് ഗുരുതരമായി പരിക്കേറ്റു. നിരവധി വീടുകൾ നശിപ്പിക്കപ്പെട്ടു. ചെറിയ പെൺകുട്ടികൾവരെ ആക്രമണത്തിനിരയായി. ആക്രമണത്തെത്തുടർന്ന് ഗ്രാമത്തിലെ ക്രൈസ്തവർ ഭീതിയിലാണ്. ഉന്നത പോലീസ് ഉദ്യോഗസ്ഥർ സ്ഥലത്തെത്തി.
