കരീബിയൻ കടലിൽ വീണ്ടും യുഎസ് ആക്രമണം; നാലുപേർ കൊല്ലപ്പെട്ടു
വാഷിങ്ടൺ : കരീബിയൻ കടലിൽ ബോട്ടുകളെയും കപ്പലുകളെയും ലക്ഷ്യമിട്ട് വീണ്ടും യുഎസ് ആക്രമണം. നാലുപേർ കൊല്ലപ്പെട്ടു. ലാറ്റിനമേരിക്കൻ മേഖലയെ സംഘർഷത്തിന്റെ മുൾമുനയിൽ നിർത്താനുള്ള ശ്രമത്തിന്റെ ഭാഗമായാണ് മയക്കുമരുന്ന് കടത്തുന്നുണ്ടെന്ന് ആരോപിച്ച് അമേരിക്ക ബോട്ടുകൾക്കു നേരെ ആക്രമണം നടത്തുന്നത്. ഇത്തരത്തിൽ കരീബിയൻ കടലിൽ യുഎസ് സൈന്യം നടത്തുന്ന ഇരുപതാമത്തെ ആക്രമണമാണിത്. തിങ്കളാഴ്ചയാണ് സംഭവമെന്ന് പെന്റഗൺ ഉദ്യോഗസ്ഥൻ പറഞ്ഞു. സെപ്തംബർ മുതൽ അമേരിക്ക ആരംഭിച്ച ആക്രമണങ്ങളിൽ ഇതുവരെ 80 പേർ മരിച്ചു.
