ഹോർമുസ് തുറക്കുന്നു; ടോൾ ഫ്രീ; ധാരണാപത്രം വെള്ളിയാഴ്ച ഒപ്പുവെയ്ക്കും

ഹോർമുസ് കടലിടുക്ക് തുറന്നുകൊടുക്കുമെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ്. ജൂൺ 19ന് സ്വിറ്റ്സർലൻഡിൽ ഔദ്യോഗികമായി ഒപ്പുവെക്കാനിരിക്കുന്ന വാഷിങ്ടണും ടെഹ്റാനും തമ്മിലുള്ള ധാരണയുടെ ഭാഗമായി ഹോർമുസ് കടലിടുക്ക് യാതൊരു ഫീസും ഈടാക്കാതെ വീണ്ടും ചരക്കുകപ്പൽ ഗതാഗതത്തിനായി തുറന്നുകൊടുക്കുമെന്ന് ട്രംപ് വ്യക്തമാക്കി.

“ഇറാൻ ഇസ്‌ലാമിക റിപ്പബ്ലിക്കുമായുള്ള ധാരണ ഇപ്പോൾ പൂർത്തിയായിരിക്കുകയാണ്,” ട്രംപ് ട്രൂത്ത് സോഷ്യലിൽ കുറിച്ചു. “ഹോർമുസ് കടലിടുക്ക് യാതൊരു ടോളും ഈടാക്കാതെ തുറന്നുകൊടുക്കുന്നതിന് ഞാൻ പൂർണ അനുമതി നൽകുന്നു. അതോടൊപ്പം, അമേരിക്ക ഏർപ്പെടുത്തിയിരുന്ന നാവിക ഉപരോധം ഉടൻ പിൻവലിക്കുന്നതിനും അനുമതി നൽകുന്നു,” അദ്ദേഹം വ്യക്തമാക്കി.