അമേരിക്കൻ സർവകലാശാലകളുടെ വിദേശ ധനസഹായം: ട്രംപ് ഭരണകൂടത്തിന്റെനീക്കത്തിന് കോടതിയുടെ വിലക്ക്

0

വാഷിങ്ടൺ ഡി.സി., നവംബർ 16, 2026: അമേരിക്കയിലെ പ്രമുഖ ഗവേഷണ സർവകലാശാലകൾക്ക് സാമ്പത്തിക സഹായം നൽകുന്ന വിദേശ വ്യക്തികളുടെയും സ്ഥാപനങ്ങളുടെയും പേരുകൾ പരസ്യപ്പെടുത്താനുള്ള ട്രംപ് ഭരണകൂടത്തിന്റെ
നീക്കത്തിന് ഫെഡറൽ കോടതിയുടെ തിരിച്ചടി. അമേരിക്കൻ വിദ്യാഭ്യാസ വകുപ്പിന്റെ തീരുമാനത്തിനെതിരെ അസോസിയേഷൻ ഓഫ് അമേരിക്കൻ യൂണിവേഴ്‌സിറ്റീസ് (AAU) സമർപ്പിച്ച ഹർജിയിൽ ഫെഡറൽ ജഡ്ജി താന്യ ചുട്കൻ നവംബർ 13-ന് പ്രാഥമിക നിരോധന ഉത്തരവ് പുറപ്പെടുവിച്ചു.

അമേരിക്കയിലെ എഴുപതിലധികം പ്രമുഖ ഗവേഷണ സർവകലാശാലകളെ പ്രതിനിധീകരിക്കുന്ന സംഘടനയാണ് AAU. വിദേശ ധനസഹായം സംബന്ധിച്ച വിവരങ്ങൾ വിദ്യാഭ്യാസ വകുപ്പിന്റിപ്പോർട്ട് ചെയ്യുന്നതും അവയിൽ ഉൾപ്പെട്ട ദാതാക്കളുടെ പേരുകൾ പൊതുജനങ്ങൾക്ക് പ്രസിദ്ധീകരിക്കുന്നതും രണ്ടുതരത്തിലുള്ള നടപടികളാണെന്നാണ് കേസിലെ പ്രധാന നിയമപ്രശ്നം.

1965-ലെ ഹയർ എജ്യുക്കേഷൻ ആക്ടിലെ സെക്ഷൻ 117 പ്രകാരം നിശ്ചിത പരിധിയിൽ വരുന്ന വിദേശ സംഭാവനകളും കരാറുകളും സർവകലാശാലകൾ ഫെഡറൽ സർക്കാരിനെ അറിയിക്കണം. എന്നാൽ ഈ നിയമം എല്ലാ വിദേശ ദാതാക്കളുടെയും പേരുകൾ പൊതുജനങ്ങൾക്ക് വെളിപ്പെടുത്താൻ വിദ്യാഭ്യാസ വകുപ്പിന് അധികാരം നൽകുന്നുണ്ടോ എന്നതിലാണ് തർക്കം.

You might also like