അമേരിക്കയിലെ ഹവായിയില്‍ ചരക്ക് വിമാനം വെള്ളത്തില്‍ ഇടിച്ചിറക്കി.
വാഷിങ്ടണ്‍ : അമേരിക്കയിലെ ഹവായിയില്‍ ചരക്ക് വിമാനം വെള്ളത്തില്‍ ഇടിച്ചിറക്കി. ഹൊണോലുലുവിലെ ഡാനിയല്‍ കെ. ഇനോയ് വിമാനത്താവളത്തില്‍നിന്ന് മാവുയി ദ്വീപിലേക്ക് പറന്നുയര്‍ന്ന പ്പോഴായിരുന്നു വിമാനം ഇടിച്ചിറക്കേണ്ടിവന്നത്. അപകടത്തില്‍ വൈമാനികര്‍ ഇരുവരും രക്ഷപ്പെട്ടു. അപകട സമയം ഒരാള്‍ വിമാനത്തിന്റെ വാല്‍ഭാഗത്ത് തൂങ്ങിനില്‍ക്കുന്ന നിലയിലായിരുന്നുവെന്ന് റിപ്പോര്‍ട്ടുകള്‍ ചൂണ്ടിക്കാട്ടുന്നു .
തലക്ക് പരിക്കേറ്റ് ഗുരുതരാവസ്ഥയിലുള്ള അദ്ദേഹത്തെ ആശുപത്രിയിലേക്ക് മാറ്റി. രണ്ടാമത്തെ വൈമാനികന്റെ പരിക്കും സാരമുള്ളതാണ്.പറന്നുയര്‍ന്ന ഉടന്‍ ഒരു എഞ്ചിന് തകരാര്‍ സംഭവിച്ചതായി കണ്‍ട്രോള്‍ റൂമില്‍ വിവരം അറിയിച്ചിരുന്നു. രണ്ടാമത്തെ എഞ്ചിനും ചൂടുപിടിക്കുകയാണെന്നും വിമാനം ദുരന്തത്തില്‍ പെടുമെന്നും ഇവര്‍ അറിയിച്ച്‌ തൊട്ടുപിന്നാലെയാണ് വെള്ളത്തിലേക്ക് ഇടിച്ചിറക്കേണ്ടി വന്നത് .
