ലോക്ഡൗണില്‍ കൂടുതല്‍ ഇളവുകള്‍; കടകളുടെ പ്രവര്‍ത്തന സമയം കൂട്ടി, ബാങ്കുകളില്‍ എല്ലാ ദിവസവും ഇടപാടുകള്‍
തിരുവനന്തപുരം: കോവിഡ് നിയന്ത്രണങ്ങളുടെ ഭാഗമായി പ്രഖ്യാപിച്ച ലോക്ഡൗണില്‍ കൂടുതല്‍ ഇളവുകള്‍ നല്‍കാന്‍ തീരുമാനമായി. ബാങ്കുകള്‍ ഇനി എല്ലാ ദിവസവും പ്രവര്‍ത്തിക്കും. ഒന്നിടവിട്ട ദിവസങ്ങളില്‍ മാത്രം ഇടപാട് അനുവദിച്ചിരുന്ന നിയന്ത്രണം എടുത്തുകളഞ്ഞു. ഇനി എല്ലാ ദിവസവും ഇടപാടുകാര്‍ക്ക് ബാങ്കിലെത്താനും ഇടപാടുകള്‍ നടത്താനും സാധിക്കും.
കടകളുടെ പ്രവര്‍ത്തനസമയം വര്‍ധിപ്പിക്കും. ‘എ’, ‘ബി’, ‘സി’ കാറ്റഗറിയിലുള്ള സ്ഥലങ്ങളില്‍ കടകള്‍ക്ക് ഒന്നിടവിട്ട ദിവസങ്ങളില്‍ രാത്രി എട്ടു മണി വരെ പ്രവര്‍ത്തിക്കാം.
Related Posts
ട്രിപ്പിള്‍ ലോക്ഡൗണ്‍ ഉള്ള ഡി കാറ്റഗറി സ്ഥലങ്ങളിലും കടകളുടെ പ്രവര്‍ത്തന സമയം വര്‍ധിപ്പിക്കും. ഇതുസംബന്ധിച്ച വിശദ നിര്‍ദേശങ്ങള്‍ പുറത്തുവന്നിട്ടില്ല.
ലോക്ഡൗണ്‍ സംബന്ധിച്ച അവലോകന യോഗത്തിലാണ് തീരുമാനമെടുത്തത്
