TOP NEWS| ഇന്ത്യ ഉൾപ്പടെ 22 രാജ്യങ്ങളിൽനിന്നുള്ളവർക്ക് പ്രവേശനവിലക്കുമായി ബഹറിൻ

ഇന്ത്യ ഉൾപ്പടെ 22 രാജ്യങ്ങളിൽനിന്നുള്ളവർക്ക് പ്രവേശനവിലക്കുമായി ബഹറിൻ

മനാമ: ഇന്ത്യ ഉൾപ്പടെ 22 രാജ്യങ്ങളിൽനിന്നുള്ളവർക്ക് പ്രവേശനവിലക്ക് ഏർപ്പെടുത്തി റെഡ് ലിസ്റ്റിൽ ഉൾപ്പെടുത്തി ബഹറിൻ. കഴിഞ്ഞ 14 ദിവസത്തിനുള്ളിൽ റെഡ് ലിസ്റ്റിലുള്ള 22 രാജ്യങ്ങളിൽ ഏതെങ്കിലും വഴിയിലൂടെ സഞ്ചരിച്ച യാത്രക്കാർക്കും ഈ നിയന്ത്രണം ബാധകമാണ്. കോവിഡ് രണ്ടാം വ്യാപനം രൂക്ഷമായതോടെ പ്രവേശന വിലക്ക് ഏർപ്പെടുത്തിയ രാജ്യങ്ങളിൽ ഇന്ത്യയും ഉണ്ടായിരുന്നു. ഇപ്പോൾ പട്ടിക പരിഷ്ക്കരിച്ചപ്പോഴും ഇന്ത്യ റെഡ് ലിസ്റ്റിൽ തുടരുകയാണ്.
കഴിഞ്ഞ 14 ദിവസങ്ങളിൽ ഏതെങ്കിലും റെഡ് ലിസ്റ്റ് രാജ്യങ്ങളിലൂടെ സഞ്ചരിച്ച യാത്രക്കാർക്ക് നിയന്ത്രണത്തിന് വിധേയമായിരിക്കും എന്നതാണ് പുതിയ പട്ടിക പുറത്തിറക്കിക്കൊണ്ട് ബഹറിൻ വ്യക്തമാക്കിയത്. ബഹ്‌റൈൻ വാർത്താ ഏജൻസിയുടെ (ബി‌എൻ‌എ) കണക്കനുസരിച്ച്, 16 പുതിയ രാജ്യങ്ങളെ ബഹ്‌റൈന്റെ റെഡ് ലിസ്റ്റിൽ ചേർത്തിട്ടുണ്ട്. ഇത് റെസിഡൻസി വിസ ഇല്ലാത്ത സന്ദർശകരെ രാജ്യത്തേക്ക് പ്രവേശിക്കുന്നത് തടയുമെന്ന് വ്യക്തമാക്കിയിട്ടുണ്ട്.