ബഹ്റൈന്‍ സി.എസ്.ഐ ദക്ഷിണ കേരള മഹാ ഇടവകയുടെ ഈ വര്‍ഷത്തെ വെക്കേഷന്‍ ബൈബിള്‍ സ്കൂള്‍ കോവിഡ് പശ്ചാത്തലത്തില്‍ ഓണ്‍ലൈനായി ആരംഭിച്ചു.
മനാമ: ബഹ്റൈന്‍ സി.എസ്.ഐ ദക്ഷിണ കേരള മഹാ ഇടവകയുടെ ഈ വര്‍ഷത്തെ വെക്കേഷന്‍ ബൈബിള്‍ സ്കൂള്‍ കോവിഡ് പശ്ചാത്തലത്തില്‍ ഓണ്‍ലൈനായി ആരംഭിച്ചു. സഭാ ട്രഷറര്‍ ഷിബു കുമാര്‍, സണ്‍ഡേ സ്കൂള്‍ സെക്രട്ടറി സുനില്‍കുമാര്‍ എന്നിവരുടെ സാന്നിധ്യത്തില്‍ വികാരി ഫാ. ഷാബു ലോറന്‍സ് ഉദ്ഘാടനം ചെയ്തു.
‘നാം അതിജീവിക്കും’ എന്ന ചിന്താവിഷയത്തെ അടിസ്ഥാനമാക്കിയുള്ള ക്ലാസുകള്‍ക്ക് ബ്ലെസന്‍ ലാല്‍, സുജിന്‍, അനു, ആഭിന്‍, റിയ ബ്ലസന്‍, ബിനിഷ എന്നിവര്‍ നേതൃത്വം നല്‍കും.ബഹ്റൈന്‍, ഇന്ത്യ എന്നീ രാജ്യങ്ങളില്‍ നിന്നായി 100ലധികം കുട്ടികളും സഭയിലെ സണ്‍ഡേ സ്കൂള്‍ അധ്യാപകരും പങ്കെടുത്തു.
ജൂലൈ 30 വരെ എല്ലാ ദിവസവും വൈകീട്ട് നാലു മുതല്‍ ആറു വരെ പാട്ടുകളും കഥകളും പാഠങ്ങളും കളികളും ഉള്‍പ്പെടുന്ന ക്ലാസുകള്‍ നടക്കും. ഉദ്ഘാടന ചടങ്ങില്‍ സഭാ സെക്രട്ടറി സി. വിജയന്‍, അക്കൗണ്ടന്‍റ് ഷിബു കുമാര്‍ എന്നിവരും പങ്കെടുത്തു.
