ആദ്യ കടല്‍യാത്ര വിജയകരമായി പൂര്‍ത്തിയാക്കി ‘വിക്രാന്ത്’
കൊച്ചി: ഇന്ത്യ തദ്ദേശീയമായി വികസിപ്പിച്ചെടുത്ത വിമാനവാഹിനിക്കപ്പലായ ഐഎസി-1 എന്ന ഐഎന്‍എസ് വിക്രാന്ത് ആദ്യ കടല്‍യാത്രാ പരീക്ഷണം വിജയകരമായി പൂര്‍ത്തിയാക്കി. നാലിന് കൊച്ചിയില്‍നിന്ന് തിരിച്ച യാത്ര എട്ടിനാണ് കപ്പല്‍ പൂര്‍ത്തിയാക്കിയത്. ആസൂത്രണം ചെയ്ത പോലെ യാത്ര പൂര്‍ത്തിയാക്കാന്‍ സാധിച്ചതായി ദക്ഷിണ നാവിക കമാന്‍ഡ് വാര്‍ത്താക്കുറിപ്പില്‍ അറിയിച്ചു.
Related Posts
കപ്പല്‍ നാവിക സേനയുടെ ഭാഗമാവുന്നതിന് മുന്നോടിയായി ഇനിയും പരീക്ഷണ യാത്രകള്‍ തുടരും. ഇന്ത്യയുടെ പഴയ പടക്കപ്പല്‍ ഐഎന്‍എസ് വിക്രാന്തിന്റെ പിന്‍ഗാമി എന്ന നിലയിലാണ് പുതിയ വിക്രാന്ത് കപ്പല്‍ നിര്‍മിച്ചത്.
