അഫ്ഗാനിൽ പെൺകുട്ടികൾക്ക് പഠിക്കാൻ ഹിജാബ് നിർബന്ധം : താലിബാൻ
അഫ്ഗാനിലെ പെൺകുട്ടികളുടെ ഉന്നത വിദ്യാഭ്യാസവുമായി ബന്ധപ്പെട്ട് സുപ്രധാന തീരുമാനമെടുത്ത് താലിബാൻ വിദ്യാഭ്യാസ മന്ത്രി. പെൺകുട്ടികൾക്ക് സർവകലാശാലകളിൽ ഉന്നത വിദ്യാഭ്യാസം തുടരാമെന്നും എന്നാൽ കോളേജുകളിൽ പെൺകുട്ടികൾക്ക് ഹിജാബ് നിർബന്ധമാണെന്നും താലിബാൻ സർക്കാരിലെ ഉന്നത വിദ്യഭ്യാസ മന്ത്രി അബ്ദുൾ ഹഖാനി വ്യക്തമാക്കി. ക്ലാസ് മുറികളിലും ആൺകുട്ടികളെയും പെൺകുട്ടികളെയും ഒന്നിച്ചിരുന്ന് പഠിക്കാൻ അനുവദിക്കില്ല. സർവകലാശാലകളിലെ നിലവിലെ പാഠ്യപദ്ധതി അവലോകനം ചെയ്ത് മാറ്റങ്ങൾ ആവശ്യമുണ്ടെങ്കിൽ പാഠ്യപദ്ധതി പരിഷ്കരിക്കും.
