ഇന്ത്യ – ഓസ്ട്രേലിയ പ്രധാനമന്ത്രിമാർ യുഎസ്സിൽ വച്ച്‌ കൂടിക്കാഴ്ച്ച നടത്തി
ഇന്ത്യൻ പ്രധാനമന്ത്രി നരേന്ദ്ര മോദിയും ഓസ്ട്രേലിയൻ പ്രധാനമന്ത്രി സ്കോട്ട്‌ മോറിസണും തമ്മിൽ യുഎസിൽ വച്ച്‌ കൂടിക്കാഴച്ച നടത്തി.
ഓസ്ട്രേലിയ, ഇന്ത്യ, ജപ്പാൻ, യുഎസ് എന്നീ മഹത്തായ ജനാധിപത്യ രാജ്യങ്ങളെ ഒരുമിച്ച് കൊണ്ടുവരുന്ന ക്വാഡ് പങ്കാളിത്തത്തിന്റെ നേതാക്കളുടെ ആദ്യ മുഖാമുഖത്തിന് മുമ്പാണ് ഈ കൂടിക്കാഴ്ച നടന്നത്.
ക്വാഡ് ഉച്ചകോടി ഇന്ന് രാത്രി (ഓസ്ട്രേലിയ സമയം) വൈറ്റ് ഹൗസിൽ നടക്കുന്നതാണ്‌ ഈ ആഴ്ച മോറിസന്റെ യുഎസ് സന്ദർശനത്തിന്റെ പ്രധാന കാരണം.
ഹൈഡ്രജൻ, അൾട്രാ ലോ കോസ്റ്റ് സോളാർ പ്രോഗ്രാമുകളിൽ ശ്രദ്ധ കേന്ദ്രീകരിക്കുകയും അവയുടെ ഊർജ്ജ പരിവർത്തനത്തെ പിന്തുണയ്ക്കുകയും ചെയ്യുന്ന കുറഞ്ഞ ഉദ്‌വമനം പങ്കാളിത്തത്തിൽ പ്രവർത്തിക്കാനുള്ള ചില സുപ്രധാന പുതിയ സംരംഭങ്ങളിൽ മോറിസണും മോദിയും തമ്മിൽ യോജിച്ചു ധാരണയായി. നിർണായകമായ ധാതു വിതരണ ശൃംഖലകൾ, രണ്ട് രാജ്യങ്ങൾ തമ്മിലുള്ള വ്യാപാര അവസരങ്ങൾ, കോവിഡ് -19 നെതിരായ പോരാട്ടം, കാലാവസ്ഥാ വ്യതിയാനം എന്നിവയെക്കുറിച്ചും ചർച്ച ചെയ്തു.
