ഇക്വഡോർ ജയിലിലെ കലാപത്തിൽ 116 മരണം; അടിയന്തരാവസ്ഥ പ്രഖ്യാപിച്ചു

ഇക്വഡോറിലെ ജയിലിലുണ്ടായ കലാപത്തിൽ 116 പേർ കൊല്ലപ്പെട്ടു. 80 പേർക്ക് പരിക്കേറ്റു. സംഘർഷാവസ്ഥ നിലനിൽക്കുന്നതിനാൽ സർക്കാർ രാജ്യത്തെ ജയിലുകളിൽ അടിയന്തരാവസ്ഥ പ്രഖ്യാപിച്ചു. കൊല്ലപ്പെട്ടവരിൽ അഞ്ചുപേരുടെ തല അറുത്തെടുത്ത നിലയിലായിരുന്നു. ​ഗുവയാസ് പ്രവിശ്യാ ജയിലിലെ തടവുകാരാണ് തോക്കും കത്തിയും ഉപയോ​ഗിച്ച് എറ്റുമുട്ടിയത്. കൊല്ലപ്പെട്ടവരിൽ ഭൂരിഭാ​ഗം പേരും വെടിയേറ്റാണ് മരിച്ചത്.