തമിഴ്‌നാട്ടിൽ വിദ്യാർഥിയെ ക്രൂരമായി മർദിച്ച അധ്യാപകൻ അറസ്റ്റിൽ
ചെന്നൈ: ക്ലാസ് മുറിയിൽ വിദ്യാർഥിയെ ക്രൂരമായി മർദിക്കുകയും ചവിട്ടുകയും ചെയ്ത അധ്യാപകൻ അറസ്റ്റിൽ. ചിദംബരത്തിനടുത്ത ഗവ. നന്ദനാർ ബോയ്സ് ഹയർ സെക്കൻഡറി സ്കൂളിലെ ഫിസിക്സ് അധ്യാപകനായ സുബ്രമണ്യം (45) ആണ് സംഭവത്തിൽ അറസ്റ്റിലായത് .
പതിവായി ക്ലാസ് കട്ട് ചെയ്തിരുന്ന പ്ലസ്ടു വിദ്യാർഥിയെ മുട്ടുകുത്തി നിർത്തിച്ച് മുടിയിൽ പിടിച്ച് തുടർച്ചയായി ചൂരൽ കൊണ്ട് പലതവണ മർദ്ദിക്കുകയും കാലിൽ ചവിട്ടുകയും ചെയ്തതിന്റെ വീഡിയോ ദൃശ്യങ്ങൾ പ്രചരിച്ചതോടെയാണ് നടപടി . അതെ സമയം ചില വിദ്യാർഥികളെ നിലത്തും ഇരുത്തിയിരുന്നു.
Related Posts
ഒക്ടോബർ 13നായിരുന്നു ദാരുണ സംഭവം. ക്ലാസിലെ വിദ്യാർഥിയാണ് മൊബൈൽഫോണിൽ വിഡിയോ പകർത്തി സാമൂഹിക മാധ്യമങ്ങളിൽ പ്രചരിപ്പിച്ചത്. കോവിഡ് വ്യാപനം കണക്കിലെടുത്ത് താൽപര്യമുള്ള വിദ്യാർഥികൾ ക്ലാസുകളിൽ ഹാജരായാൽ മതിയെന്ന് സർക്കാർ ഉത്തരവ് നിലനിൽക്കവെയാണ് അധ്യാപകന്റെ ക്രൂരമായ ശിക്ഷാനടപടി.
