ഫലസ്തീന് നീതി ഉറപ്പാക്കണം: ഒമാൻ

ഫലസ്തീന് നീതി ഉറപ്പാക്കണമെന്ന് ഒമാൻ യുഎൻ യോഗത്തിൽ ആവശ്യപ്പെട്ടു. മിഡിലീസ്റ്റിലും ലോകത്തെമ്പാടും സമാധാനം പുനഃസ്ഥാപിക്കാൻ എല്ലാ പിന്തുണയും നൽകുമെന്നും ഒമാൻ വ്യക്തമാക്കി. ഫലസ്തീൻ ജനതക്കെതിരായ അതിക്രമങ്ങൾ, പ്രത്യേകിച്ച് സ്ത്രീകൾക്കും കുട്ടികൾക്കുമെതിരായ അതിക്രമങ്ങൾ വർധിക്കുന്ന കാര്യത്തിലും ഒമാൻ ഉത്കണ്ഠ പ്രകടിപ്പിച്ചു. അത്തരം കാര്യങ്ങൾ മേഖലയിൽ സമാധാനം നൽകില്ലെന്നും ചൂണ്ടിക്കാട്ടി.