രാജീവ് ഗാന്ധി വധം: നളിനിയുടെ പരോൾ പരിഗണനയിലെന്ന് തമിഴ്നാട് സർക്കാർ

മുൻ പ്രധാനമന്ത്രി രാജീവ് ഗാന്ധി വധക്കേസിൽ ജീവപര്യന്തം ശിക്ഷ അനുഭവിക്കുന്ന നളിനി ശ്രീഹരന് പരോൾ അനുവദിക്കുന്നത് തങ്ങളുടെ പരിഗണയിലാണെന്നു തമിഴ്നാട് സർക്കാർ. നളിനിയുടെ അമ്മ പത്മിനി നൽകിയ ഹരജി പരിഗണിക്കവെ മദ്രാസ് ഹൈക്കോടതിയുടെ ഡിവിഷൻ ബെഞ്ചിനെ പബ്ലിക് പ്രോസിക്യൂട്ടർ മുഹമ്മദ് ഹസൻ ജിന്ന അറിയിച്ചതാണ് ഇക്കാര്യം.