തോണ്ടിമലയിൽ കാട്ടാന ആക്രമണം;ഒരു വീട് പൂർണമായും തകർന്നു

ഇന്നലെ പുലർച്ചെ മൂന്ന് മണിയോടെയാണ് സംഭവം. തോണ്ടിമല സ്വദേശി സെൽവത്തിന്റെ വീടാണ് കാട്ടാന പൂർണമായും തകർത്തത്. സമീപവാസിയായ അമൽരാജിന്റെ വീടിനും കേടുപാട് പറ്റി. ആദ്യം ആക്രമണമുണ്ടായത് അമൽരാജിന്റെ വീടിന് നേരെയായിരുന്നു. ശബ്ദം കേട്ട് വീട്ടുകാർ ബഹളം വെച്ചതോടെ ആന സെൽവത്തിന്റെ വീട് ആക്രമിക്കുകയായിരുന്നു. പ്രായമായ അമ്മയെ താങ്ങിപ്പിടിച്ച് സെൽവം ജീവനുംകൊണ്ടോടിയതിനാൽ വലിയ ദുരന്തമാണ് ഒഴിവായത്. സെൽവനും കുടുംബവും താത്കാലിക കേന്ദ്രത്തിലാണ് ഇപ്പോൾ താമസം.