സംസ്ഥാന സര്ക്കാറിന്റെ മാധ്യമപുരസ്‌കാരങ്ങള്‍ ഇന്ന് നൽകും; ഏഷ്യാനെറ്റ് ന്യൂസിന് 3 പുരസ്‌കാരം
Related Posts
തിരുവനന്തപുരം: സംസ്ഥാന സര്ക്കാറിന്റെ 2018-19 വര്‍ഷത്തെ മാധ്യമപുരസ്‌കാരങ്ങള്‍ (Media Award) ഇന്ന് സമ്മാനിക്കും. സ്വദേശാഭിമാനി -കേസരി പുരസ്‌കാരം, സംസ്ഥാന മാധ്യമ പുരസ്‌കാരങ്ങള്‍, സംസ്ഥാന ഫോട്ടോഗ്രഫി അവാര്‍ഡ് എന്നിവയാണ് സമ്മാനിക്കുക. വൈകുന്നേരം 5.30 -ന് തിരുവനന്തപുരം യൂണിവേഴ്‌സിറ്റി സെനറ്റ് ഹാളില്‍ നടക്കുന്ന പരിപാടിയില്‍ മുഖ്യമന്ത്രി പിണറായി വിജയന്‍ ഉദ്ഘാടനവും പുരസ്‌കാര വിതരണവും നിര്‍വഹിക്കും. ഗതാഗത മന്ത്രി ആന്റണി രാജു അധ്യക്ഷനാവും. വിദ്യാഭ്യാസമന്ത്രി വി. ശിവന്‍കുട്ടി, ഭക്ഷ്യമന്ത്രി ജി.ആര്‍ അനില്‍ എന്നിവര്‍ മുഖ്യാതിഥികളാവും. ഡോ. ശശിതരൂര്‍ എം.പി, മേയര്‍ ആര്യ രാജേന്ദ്രന്‍, ഡി. സുരേഷ് കുമാര്‍, ആര്‍.എസ് ബാബു, ഇഎസ് സുഭാഷ് എന്നിവര്‍ സംസാരിക്കും. കെ.ആര്‍ ജ്യോതിലാല്‍ സ്വാഗതവും എസ്. ഹരികിഷോര്‍ നന്ദിയും പറയും. പുരസ്‌കാരങ്ങളാണ് വിതരണം ചെയ്യുന്നത്.
