“യേശുവിനെ മാത്രമേ വണങ്ങൂ”, ദേശീയ പതാക ഉയർത്താൻ വിസമ്മതിച്ച് ക്രിസ്ത്യൻ എച്ച്എം
തമിഴ്‌നാട്ടിലെ സർക്കാർ സ്കൂളിൽ ക്രിസ്ത്യൻ ഹെഡ്മിസ്ട്രസ് ദേശീയ പതാക ഉയർത്താൻ വിസമ്മതിച്ചു. താൻ യേശുവിനെ മാത്രമാണ് ആരാധിക്കുന്നതെന്നും മറ്റൊന്നിനും തല കുനിക്കാൻ കഴിയില്ലെന്നും അവർ പറഞ്ഞു.
ധർമപുരി ജില്ലയിലെ ബേദരഹള്ളിയിലുള്ള സർക്കാർ ഹയർ സെക്കൻഡറി സ്‌കൂളിലെ പ്രധാനാധ്യാപികയാണ് തമിഴ് സെൽവി. രണ്ട് വർഷം മുമ്പ് അവർ ജോലിയിൽ നിന്ന് വിരമിക്കേണ്ടതായിരുന്നു, എന്നാൽ കോവിഡ് -19 പാൻഡെമിക് സമയത്ത് സർക്കാർ പ്രായപരിധി 60 വയസ്സായി നീട്ടിയതിനാൽ, അവർ ഈ വർഷം വിരമിക്കും. കഴിഞ്ഞ 4 വർഷമായി തമിഴ് സെൽവി ഈ സ്കൂളിൽ ജോലി ചെയ്യുന്നു. ആസാദി കാ അമൃത് മഹോത്സവ് ആഘോഷങ്ങളുടെ ഭാഗമായി ആഗസ്ത് 15 ന് സ്കൂളിൽ പതാക ഉയർത്തൽ ചടങ്ങ് സംഘടിപ്പിരുന്നു.
300 വിദ്യാർത്ഥികളും അവരുടെ രക്ഷിതാക്കളും ഗ്രാമത്തിലെ ആളുകളും ഉൾപ്പെടെ 500 ഓളം പേർ പരിപാടിയിൽ പങ്കെടുത്തു. ഈ വർഷം വിരമിക്കുന്നതിനാൽ പതാക ഉയർത്താൻ അവർ എച്ച്‌എമ്മിനോട് അഭ്യർത്ഥിച്ചു. എന്നാൽ യേശുവിനല്ലാതെ മറ്റൊന്നിനും വന്ദനം അർപ്പിക്കാൻ കഴിയില്ലെന്നും പതാകയെ വന്ദിക്കില്ലെന്നും പറഞ്ഞ് തമിഴ് സെൽവി പതാക ഉയർത്താൻ വിസമ്മതിക്കുകയാണ്‌ ഉണ്ടായത്‌. പിന്നീട് ഗ്രാമവാസികൾ അസിസ്റ്റന്റ് എച്ച്എം മുരുകനോട് പതാക ഉയർത്താൻ ആവശ്യപ്പെട്ടു. പിന്നീട് മത്സരങ്ങളിൽ വിജയിക്കുന്ന വിദ്യാർത്ഥികൾക്ക് സമ്മാനമായി തിരുക്കുറൾ പുസ്തകങ്ങൾ വിതരണം ചെയ്യാൻ അവർ അവരോട്‌ അഭ്യർത്ഥിച്ചു. എന്നാൽ അവർ അതും ചെയ്യാൻ വിസമ്മതിച്ചു.
മാധ്യമങ്ങളിൽ ഇപ്പോൾ പ്രചരിക്കുന്ന ഒരു വീഡിയോ ഉണ്ട്, അതിൽ തമിഴ് സെൽവി പറയുന്നു, “ഞാൻ ക്രിസ്ത്യാനിയാണ്‌. സലാം ദൈവത്തിനു മാത്രമേ നൽകാവൂ എന്നാണ് ദൈവം പറയുന്നത്. അതാണ് ബൈബിൾ പറയുന്നത്. എന്നാൽ ഞങ്ങൾ നിയമങ്ങൾക്ക് വിധേയരാണ്. ഞങ്ങൾ ദേശീയ പതാക സ്വീകരിക്കുന്നു, പക്ഷേ അതിനെ അഭിവാദ്യം ചെയ്യുന്നില്ല. ഞാൻ ആരാധിക്കുന്ന ദൈവത്തിനു മാത്രമേ ഞാൻ വന്ദനം നടത്തുകയുള്ളൂ. ദേശീയ പതാകയെ ഞാൻ അപമാനിച്ചിട്ടില്ല. പക്ഷേ എന്റെ സലാം എന്റെ ദൈവത്തിനു മാത്രം. ഞങ്ങൾ നിയമങ്ങളെയും രാഷ്ട്രീയ പാർട്ടികളെയും ബഹുമാനിക്കുന്നു.
സംഭവത്തെ തുടർന്ന് തമിഴ് സെൽവിക്കെതിരെ നടപടിയെടുക്കണമെന്ന് ആവശ്യപ്പെട്ട് ഗ്രാമവാസികൾ ധർമ്മപുരി ജില്ലയിലെ ചീഫ് എഡ്യൂക്കേഷണൽ ഓഫീസർക്ക് (സിഇഒ) പരാതി നൽകി. ഹിന്ദു വിദ്യാർത്ഥികളോട് വിവേചനപരമായ പെരുമാറ്റം ആരോപിച്ചാണ്‌ പരാതി നൽകിയിരിക്കുന്നത്‌. ഹൈന്ദവ ആഘോഷങ്ങൾക്ക് പ്രാദേശിക അവധി നൽകാതിരിക്കുക, സമത്വ പൊങ്കൽ ആഘോഷിക്കാതിരിക്കുക, ബിണ്ടിയും പൂക്കളും ധരിക്കുന്ന വിദ്യാർത്ഥിനികളെ പീഡിപ്പിക്കുക തുടങ്ങിയ ആരോപണങ്ങളും അവർക്കെതിരെ ഉയർത്തിയാണ്‌ പരാധി നൽകിയിരിക്കുന്നത്‌.
