ജി20 ഉച്ചകോടിക്ക് നാളെ തുടക്കം; ഇന്ന് രാഷ്‌ട്രത്തലവന്മാർ ഇന്ത്യയിലെത്തും
ന്യൂഡൽഹി: ജി20 ഉച്ചകോടിയിൽ പങ്കെടുക്കുന്നതിനായി ലോക രാഷ്‌ട്രത്തലവന്മാർ ഇന്ന് ഇന്ത്യയിലെത്തും. ഇന്ന് വൈകിട്ട് ഏഴ് മണിയോടെ അമേരിക്കൻ പ്രസിഡന്റ് ജോ ബൈഡൻ ഡൽഹിയിലെത്തുമെന്നാണ് റിപ്പോർട്ട്. എയർഫോഴ്‌സ് വൺ വിമാനത്തിലെത്തുന്ന ബൈഡനെ പാലം അന്താരാഷ്‌ട്ര വിമാനത്താവളത്തിൽ വൈകിട്ട് കേന്ദ്രസഹമന്ത്രി വികെ സിംഗ് സ്വീകരിക്കും. ഇതിന് ശേഷമാകും പ്രധാനമന്ത്രി നരേന്ദ്രമോദിയും ബൈഡനും ഉഭയകക്ഷി ചർച്ച നടത്തുക.
