ഒരു ദശലക്ഷത്തിലധികം അഫ്ഗാന്‍ കുട്ടികള്‍ കടുത്ത പോഷകാഹാരക്കുറവ് നേരിടുന്നുവെന്ന് ഡബ്ല്യുഎച്ച്ഒ
കാബൂള്‍: അഫ്ഗാനിസ്ഥാനില്‍ പത്തുലക്ഷത്തിലധികം കുട്ടികള്‍ കടുത്ത പോഷകാഹാരക്കുറവ് നേരിടുന്നതായി ലോകാരോഗ്യ സംഘടന (ഡബ്ല്യുഎച്ച്ഒ). കാബൂളില്‍ നിന്ന് പ്രക്ഷേപണം ചെയ്യുന്ന ഒരു അഫ്ഗാന്‍ വാര്‍ത്താ ചാനലായ ടോളോ ന്യൂസാണ് ഇക്കാര്യം റിപ്പോര്‍ട്ട് ചെയ്ത്.
ലോകാരോഗ്യ സംഘടനയുടെ ഡയറക്ടര്‍ ജനറല്‍ ടെഡ്രോസ് അദാനോം ഗെബ്രിയേസസ് പറയുന്നതനുസരിച്ച്, പോഷകാഹാരക്കുറവിനെതിരെ പോരാടുന്നതിന് രാജ്യത്തിന് 185 ദശലക്ഷം ഡോളര്‍ ആവശ്യമാണ്. മൊത്തം അഫ്ഗാനിസ്ഥാന്‍ ജനസംഖ്യയുടെ 30 ശതമാനവും കടുത്ത ഭക്ഷ്യ അരക്ഷിതാവസ്ഥ നേരിടുന്നുണ്ടെന്നും അദ്ദേഹം എക്‌സില്‍ എഴുതി.
കഴിഞ്ഞ വര്‍ഷങ്ങളെ അപേക്ഷിച്ച് രാജ്യത്ത് പോഷകാഹാരക്കുറവുള്ള അമ്മമാരുടെയും കുട്ടികളുടെയും എണ്ണം നേരിയ തോതില്‍ വര്‍ധിച്ചിട്ടുണ്ടെന്ന് അഫ്ഗാനിസ്ഥാനിലെ താലിബാന്‍ നിയമിച്ച പൊതുജനാരോഗ്യ മന്ത്രാലയം അറിയിച്ചു. ഇന്ദിരാഗാന്ധി ചില്‍ഡ്രന്‍സ് ഹോസ്പിറ്റലിലെ പോഷകാഹാര ചികിത്സാ വിഭാഗത്തിലാണ് ആറുമാസം പ്രായമുള്ള അമീര്‍. ചികിത്സയ്‌ക്കായി കപിസയില്‍ നിന്ന് കാബൂളിലേക്ക് കൊണ്ടുപോയതായി അമീറിന്റെ അമ്മ പറഞ്ഞു.
