ബ്യൂബോണിക് പ്ലേഗ് അമേരിക്കയില്‍ സ്ഥിരീകരിച്ചു ; പതിനാലാം നൂറ്റാണ്ടില്‍ യൂറോപ്പിലാകെ മരിച്ചത് അഞ്ച് കോടിയോളം പേര്‍
വാഷിങ്ടണ്‍ : അമേരിക്കയില്‍ ബ്യൂബോണിക് പ്ലേഗ് സ്ഥിരീകരിച്ചു. യുഎസിലെ ഒറിഗോണിലാണ് കഴിഞ്ഞയാഴ്ച ആദ്യം റിപ്പോര്‍ട്ട് ചെയ്തത്. രോഗിയുടെ പേരുവിവരങ്ങള്‍ പുറത്തുവിട്ടിട്ടില്ല. ആരോഗ്യനില തൃപ്തികരമാണെന്നാണ് അധികൃതര്‍ നല്‍കുന്ന വിവരം. വളര്‍ത്തുപൂച്ചയില്‍ നിന്നാണ് രോഗം പിടിപെട്ടത്. പുച്ചയുമായി സമ്പര്‍ക്കമുണ്ടായിരുന്നവരെ തിരിച്ചറിഞ്ഞ് പ്രതിരോധ നടപടികള്‍ ആരംഭിച്ചു. ഇവര്‍ക്ക് ആവശ്യമയ എല്ലാവിധ ചികിത്സകളും ഉറപ്പാക്കിയതായി ഡെഷ്യൂട്ട്‌സ് കൗണ്ടി മെഡിക്കല്‍ ഓഫിസര്‍ ഡോ. റിച്ചാര്‍ഡ് ഫോസെറ്റ് അറിയിച്ചു. ബ്യൂബോണിക് പ്ലേഗ് സ്ഥിരീകരിച്ചയാള്‍ക്കും വളര്‍ത്തുമൃഗത്തിനും ഉടനടി വൈദ്യസഹായം നല്‍കിയെന്നും ഇത് അപകടസാധ്യത കുറയ്ക്കുമെന്നും വിദഗ്ധര്‍ അറിയിച്ചു.
Related Posts
