ഉധംപുരിൽ ഭീകരാക്രമണം; സിആർപിഎഫ് ഇൻസ്പെക്ടർക്കു വീരമൃത്യു
ജമ്മു: ജമ്മു കാഷ്മീരിലെ ഉധംപുരിൽ ഭീകരാക്രമണത്തിൽ സിആർപിഎഫ് ഇൻസ്പെക്ടർക്കു വീരമൃത്യു. ഉധംപുർ ജില്ലയിലെ വിദൂരപ്രദേശമായ ചിൽ മേഖലയിൽ സിആർപിഎഫും ലോക്കൽ പോലീസിലെ സ്പെഷൽ ഓപ്പറേഷൻസ് ഗ്രൂപ്പും ചേർന്ന പട്രോൾ സംഘത്തിനു നേർക്ക് ഭീകരർ വെടിവയ്ക്കുകയായിരുന്നു.
സിആർപിഎഫ് 187-ാം ബറ്റാലിയനിലെ ജി കന്പനി അംഗമായ ഇൻസ്പെക്ടർ കുൽദീപിനു ഗുരുതരമായി പരിക്കേറ്റു. ഇദ്ദേഹത്തെ ആശുപത്രിയിൽ പ്രവേശിപ്പിച്ചെങ്കിലും മരിച്ചു.
