ജമ്മുവിൽ വീണ്ടും ഭീകരാക്രമണം; ഭീകരരും സൈന്യവും തമ്മിൽ ഏറ്റുമുട്ടൽ തുടരുന്നു
ജമ്മു: ജമ്മു കശ്മീരിലെ ബന്ദിപൊര വനമേഖലയിൽ സൈന്യവും ഭീകരരും തമ്മിൽ ഏറ്റുമുട്ടൽ തുടരുന്നു. ബന്ദിപൊരയിലെ കെത്സുൺ വനപ്രദേശത്ത് ചൊവ്വാഴ്ച വൈകുന്നേരമാണ് സൈന്യവും ഭീകരരും തമ്മിൽ വെടിവെപ്പുണ്ടായത്. ആക്രമണത്തിൽ ഒരു ഭീകരൻ കൊല്ലപ്പെട്ടതായാണ് വിവരം. രണ്ടുമൂന്ന് ഭീകരർ കൂടി വനത്തിനുള്ളിൽ കുടുങ്ങിയിട്ടുള്ളതായും സൈന്യം ഇവരെ വളഞ്ഞതായും റിപ്പോർട്ടുകളുണ്ട്.
Related Posts
ബന്ദിപൊര വനമേഖലയിലെ സൈനികക്യാമ്ബിന് നേരെ വെള്ളിയാഴ്ച ഭീകരാക്രണം ഉണ്ടായിരുന്നു. സൈന്യം തിരിച്ചടിച്ചതോടെ തീവ്രവാദികൾ വനത്തിനുള്ളിലേക്ക് ഓടിമറയുകയായിരുന്നു. ആക്രമണത്തെക്കുറിച്ചുള്ള കൂടുതൽ വിവരങ്ങൾ പുറത്തുവന്നുകൊണ്ടിരിക്കുന്നതേ ഉള്ളൂ. അതേസമയം, തീവ്രവാദികൾക്ക് ആശ്രയം നൽകുന്ന വീടുകൾ ബുൾഡോസർ ഉപയോഗിച്ച് പൊളിച്ച് നീക്കുമെന്ന് ജമ്മു-കശ്മീർ ലഫ്റ്റനന്റ് ഗവർണർ മനോജ് സിൻഹ മുന്നറിയിപ്പ് നൽകി.
