ഐക്യു നിയോ 10ആര്‍ ഇന്ത്യയിൽ അവതരിപ്പിച്ചു !
ഐക്യു തങ്ങളുടെ ഏറ്റവും പുതിയ സ്മാർട്ട്‌ഫോണായ ഐക്യു നിയോ 10ആർ (iQOO Neo 10R) ഇന്ത്യൻ വിപണിയിൽ പുറത്തിറക്കി. ഗെയിമിംഗിൽ താൽപ്പര്യമുള്ളവർക്കും മികച്ച പ്രകടനം ആഗ്രഹിക്കുന്നവർക്കുമായി പ്രത്യേകം രൂപകൽപ്പന ചെയ്‌തിരിക്കുന്ന ഫോണാണിത്.
ഈ ഫോൺ രണ്ട് വേരിയന്‍റുകളിലാണ് വരുന്നത്. ആദ്യത്തേത് 8 ജിബി റാം + 128 ജിബി സ്റ്റോറേജുള്ളതും രണ്ടാമത്തേത് 12 ജിബി റാം + 256 ജിബി സ്റ്റോറേജുള്ളതുമാണ്. കൂടാതെ, 12 ജിബി റാം മോഡലിന് 12 ജിബി വെർച്വൽ റാമിനുള്ള പിന്തുണയും ഉണ്ട്, ഇത് മൊത്തം റാം 24 ജിബിയായി ഉയർത്തുന്നു.
ഡിസ്പ്ലേയും ക്യാമറയും
ഐക്യു നിയോ 10R-ൽ 6.78 ഇഞ്ച് അമോൾഡ് ഡിസ്‌പ്ലേ, 144Hz റിഫ്രഷ് റേറ്റും 1.5K റെസല്യൂഷനും ഉണ്ട്. ഡിസ്‌പ്ലേ 4500 നിറ്റ്‌സ് വരെ പീക്ക് ബ്രൈറ്റ്‌നെസും 3840Hz PWM ഡിമ്മിംഗും പിന്തുണയ്ക്കുന്നു. ഇത് ദൃശ്യങ്ങളെ കൂടുതൽ മികവുറ്റതും വ്യക്തവുമാക്കുന്നു. സെൽഫികൾക്കും വീഡിയോ കോളിംഗിനുമായി, 32 എംപി മുൻ ക്യാമറയുണ്ട്.
ബാറ്ററി
80 വാട്സ് ഫ്ലാഷ് ചാർജിംഗിനെ പിന്തുണയ്ക്കുന്ന 6,400 എംഎഎച്ച് ബാറ്ററിയാണ് ഐക്യു നിയോ 10R-ൽ ഉള്ളത്. ദിവസേന ചാർജ് ചെയ്താലും ഈ ബാറ്ററി അഞ്ച് വർഷത്തേക്ക് ശേഷി നിലനിർത്തുമെന്ന് കമ്പനി അവകാശപ്പെടുന്നു. 1.54mm സൈഡ് ബെസലുകളും IR ബ്ലാസ്റ്ററും ഉൾപ്പെടുന്ന മൂൺ-നൈറ്റ് ടൈറ്റാനിയം തീമിനെ അടിസ്ഥാനമാക്കിയാണ് ഫോണിന്‍റെ രൂപകൽപ്പന.
