ഫ്രിഡ്ജിനുള്ളിലെ ദുർഗന്ധമകറ്റി തിളക്കമുള്ളതാക്കാം
കൃത്യമായ ഇടവേളകളിൽ വൃത്തിയാക്കിയില്ലെങ്കിൽ ഫ്രിഡ്ജിനുള്ളിൽ നിന്നും ദുർഗന്ധം വമിക്കും. ഈ സാഹചര്യം ഒഴിവാക്കാൻ വീട്ടിൽ തന്നെ തയ്യാറാക്കി ഉപയോഗിക്കാവുന്ന ഒരു മിശ്രിതം ഉണ്ട്.
ബാക്കി വന്ന ഭക്ഷണങ്ങളും പച്ചക്കറികളുമാണ് സാധാരണ ഫ്രിഡ്ജിനുള്ളിൽ സൂക്ഷിക്കാറുള്ളത്. കൃത്യമായ ഇടവേളകളിൽ ഫ്രിഡ്ജ് വൃത്തിയാക്കിയില്ലെങ്കിൽ കറയും രൂക്ഷ ഗന്ധവും ഉണ്ടായേക്കും. വളരെ എളുപ്പം ഫ്രിഡ്ജ് വൃത്തിയാക്കാൻ സഹായിക്കുന്ന ഒരു മിശ്രിതം വീട്ടിൽ തന്നെ തയ്യാറാക്കാം.
ചേരുവകൾ
വെള്ളം- 1 കപ്പ്, വാഷിങ് ലിക്വിഡ്- ആവശ്യത്തിന്, വൈറ്റ് വിനാഗിരി- 1 കപ്പ്
ഒരു ബൗളിലേയ്ക്ക് പാത്രങ്ങൾ കഴുകാൻ ഉപയോഗിക്കുന്ന ലിക്വിഡ് ഒഴിക്കാം. അതിലേയ്ക്ക് ഒരു കപ്പ് വെള്ളം കാൽ കപ്പ് വൈറ്റ് വിനാഗിരി എന്നിവ ചേർത്തിളക്കി യോജിപ്പിക്കാം.
തയ്യാറാക്കിയ മിശ്രിതം ഒരു സ്പ്രേ ബോട്ടിലിലേയ്ക്കു മാറ്റാം.
ഫ്രിഡ്ജിലെ സാധനങ്ങൾ കാലിയാക്കിയതിനു ശേഷം ഈ മിശ്രതം സ്പ്രേ ചെയ്തു കൊടുക്കാം. തുടർന്ന് കോട്ടൺ തുണി ഉപയോഗിച്ച് തുടയ്ക്കാം.
