‘ഇന്ത്യക്കാരെ ഇനി ജോലിക്കെടുക്കരുത്’; ടെക്ക് കമ്പനികളോട് ട്രംപ്
ഗൂഗിള് മൈക്രോസോഫ്റ്റ് പോലുള്ള വന്കിട ടെക് കമ്പനികള് ഇന്ത്യക്കാരായ ജീവനക്കാരെ നിയമിക്കുന്നത് നിര്ത്തണമെന്ന് ആവശ്യപ്പെട്ട് അമേരിക്കന് പ്രസിഡന്റ് ഡൊണാള്ഡ് ട്രംപ്. അമേരിക്കന് കമ്പനികള് ചൈനയില് ഫാക്ടറികള് നിര്മിക്കുന്നതിനും ഇന്ത്യക്കാരായ ടെക് വിദഗ്ദ്ധര്ക്ക് ജോലി നല്കുന്നതിനും പകരം ഇനി മുതല് സ്വന്തം രാജ്യത്തുള്ളവര്ക്ക് തൊഴിലവസരങ്ങള് സൃഷ്ടിക്കണമെന്നും ട്രംപ് ആവശ്യപ്പെട്ടു. എഐ ഉച്ചകോടിയിലായിരുന്നു ട്രംപിന്റെ പ്രതികരണം.
‘നമ്മുടെ പല ടെക് കമ്പനികളും അമേരിക്ക നല്കുന്ന ചില സ്വാതന്ത്ര്യങ്ങള് ഉപയോഗിച്ച് ലാഭമുണ്ടാക്കുകയും ഇന്ത്യയില് നിന്ന് തൊഴിലാളികളെ നിയമിക്കുകയും ചൈനയില് ഫാക്ടറികള് നിര്മിക്കുകയും അയര്ലന്റില് ലാഭം പൂഴ്ത്തിവെയ്ക്കുകയും ചെയ്യുന്നു. ഇവിടുത്തെ പൗരന്മാരെ അവര് അവഗണിക്കുകയും ചെയ്തു. ഇത് നിങ്ങള്ക്കെല്ലാവര്ക്കും അറിയാവുന്ന കാര്യങ്ങളാണ്. പ്രസിഡന്റ് ട്രംപിന്റെ കീഴില് ആ നാളുകള് കഴിഞ്ഞു.’-ട്രംപ് വ്യക്തമാക്കി.
സ്വന്തം രാജ്യത്തുള്ളവരെ പരിഗണിക്കുന്നതിന് പകരം ലോകത്തുള്ള ആര്ക്കു വേണമെങ്കിലും ജോലി നല്കാമെന്ന ടെക് കമ്പനികളുടെ നിലപാടിനേയും ട്രംപ് വിമര്ശിച്ചു
