‘പെന്നി’ ക്ഷാമം രൂക്ഷം; അമേരിക്കയില് പണമിടപാടുകള് പ്രതിസന്ധിയില്
വാഷിങ്ടണ്: അമേരിക്കയില് ചെലവ് ചുരുക്കല് നടപടികളുടെ ഭാഗമായി ഒരു സെന്റ് നാണയമായ ‘പെന്നി’യുടെ ഉത്പാദനം നിര്ത്തിയതോടെ രാജ്യവ്യാപകമായി പണമിടപാടുകള് പ്രതിസന്ധിയിലായി. പ്രസിഡന്റ് ഡോണള്ഡ് ട്രംപിന്റെ തീരുമാനമാണ് രാജ്യത്ത് പെന്നി ക്ഷാമം രൂക്ഷമാക്കിയത്. നിലവില് ബാങ്കുകള്ക്കും ചെറുകിട കച്ചവടക്കാര്ക്കും പെന്നി ലഭിക്കാനില്ലാത്ത അവസ്ഥയാണ്.
Related Posts
പെന്നി നിര്മിക്കുന്നത് വലിയ നഷ്ടമാണെന്നും, അതിന്റെ ഉത്പാദനം ഉപേക്ഷിക്കണമെന്നും ട്രംപ് നേരത്തെ ആവശ്യപ്പെട്ടിരുന്നു. തുടര്ന്ന് യു.എസ്. മിന്റ് (നാണയം നിര്മിക്കുന്ന സ്ഥാപനം) ഔദ്യോഗികമായി പെന്നിയുടെ നിര്മ്മാണം നിര്ത്തിവെച്ചു. ട്രഷറി വകുപ്പ് 2026-ഓടെ മാത്രമെ ക്ഷാമം തുടങ്ങൂ എന്നാണ് വിലയിരുത്തിയിരുന്നത്. എന്നാല്, പ്രതീക്ഷിച്ചതിലും നേരത്തെ പ്രശ്നം ആരംഭിച്ച് രാജ്യത്തെ സാമ്പത്തിക വിനിമയങ്ങളെ ബാധിച്ചു.
