ഓസ്ട്രേലിയയിൽ വരും ദിവസങ്ങളിൽ റെക്കോർഡ് ചൂട് അനുഭവപ്പെടുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്
മെൽബൺ: ഓസ്ട്രേലിയയിൽ വരും ദിവസങ്ങളിൽ റെക്കോർഡ് ചൂട് അനുഭവപ്പെടുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. രാജ്യത്തിന്റെ പല ഭാഗങ്ങളിലും താപനില 50 ഡിഗ്രി സെൽഷ്യസിനോട് അടുക്കുമെന്നാണ് റിപ്പോർട്ടുകൾ. വിക്ടോറിയ സംസ്ഥാനം കഴിഞ്ഞ 20 വർഷത്തിനിടയിലെ ഏറ്റവും രൂക്ഷമായ ഉഷ്ണതരംഗത്തെയാണ് നേരിടാൻ ഒരുങ്ങുന്നത്.
Related Posts
ഈ ആഴ്ച ഉഷ്ണതരംഗം അതിശക്തമാകുമെന്നാണ് പ്രവചനം. ദക്ഷിണ ഓസ്ട്രേലിയ, വിക്ടോറിയ, ന്യൂ സൗത്ത് വെയിൽസ് തുടങ്ങി രാജ്യത്തിന്റെ ഭൂരിഭാഗം പ്രദേശങ്ങളിലും താപനില റെക്കോർഡ് നിലയിലെത്താൻ സാധ്യതയുണ്ട്. തിങ്കളാഴ്ച അഡ്ലെയ്ഡിൽ 45 ഡിഗ്രിയും ചൊവ്വാഴ്ച മെൽബണിൽ 43 ഡിഗ്രിയും താപനില പ്രതീക്ഷിക്കുന്നു.
