അമേരിക്കയും വത്തിക്കാനും തമ്മിലുള്ള നയതന്ത്ര ബന്ധം പ്രതിസന്ധിയിലേക്കെന്ന് സൂചന
വാഷിങ്ടണ്: അമേരിക്കയും വത്തിക്കാനും തമ്മിലുള്ള നയതന്ത്ര ബന്ധം പ്രതിസന്ധിയിലേക്കെന്ന് സൂചന. അമേരിക്കയിലെ വത്തിക്കാന് പ്രതിനിധി കര്ദിനാള് ക്രിസ്റ്റോഫ് പിയറിനെ പെന്റഗണിലേക്ക് വിളിപ്പിച്ച ഉദ്യോഗസ്ഥര്, കത്തോലിക്കാ സഭ അമേരിക്കയുടെ താല്പര്യങ്ങള്ക്കൊപ്പം നില്ക്കണമെന്ന് കര്ശന മുന്നറിയിപ്പ് നല്കിയതായി അന്തര്ദേശീയ മാധ്യമങ്ങള് റിപ്പോര്ട്ട് ചെയ്യുന്നു.
പെന്റഗണിന്റെ ഭീഷണിയോട് ശക്തമായ ഭാഷയിലാണ് വത്തിക്കാന് പ്രതികരിച്ചത്. ഇതിന്റെ ഭാഗമായി ലിയോ പതിനാലാമന് മാര്പാപ്പ തന്റെ അമേരിക്കന് സന്ദര്ശനം റദ്ദാക്കി. അമേരിക്കയുടെ 250-ാം വാര്ഷിക ആഘോഷങ്ങളില് പങ്കെടുക്കാന് വൈസ് പ്രസിഡന്റ് ജെ.ഡി വാന്സിന്റെ ക്ഷണം അദേഹം നിരസിച്ചു. പകരം, മാര്പാപ്പ ആഫ്രിക്കന് അഭയാര്ത്ഥികള് യൂറോപ്പിലേക്ക് എത്തുന്ന പ്രധാന കേന്ദ്രമായ ഇറ്റലിയിലെ ലാംപെഡൂസ ദ്വീപ് സന്ദര്ശിച്ചേക്കും എന്നാണ് സൂചന
