സംസ്ഥാനത്ത് വാക്സീന്‍ ക്ഷാമത്തിന് താല്‍ക്കാലിക പരിഹാരം; മൂന്നരലക്ഷം ഡോസ് കോവിഷീല്‍ഡ് വാക്സീന്‍ കൂടി എത്തി
Related Posts
തിരുവനന്തപുരം: സംസ്ഥാനത്ത് വാക്സീന്‍ ക്ഷാമത്തിന് താല്‍ക്കാലിക പരിഹാരം. കേന്ദ്രം അനുവദിച്ച മൂന്നരലക്ഷം ഡോസ് കോവിഷീല്‍ഡ് വാക്സീന്‍ കൂടി തിരുവനന്തപുരത്ത് എത്തി.
45 വയസിന് മുകളിലുള്ളവര്‍ക്ക് നല്‍കാനാണ് വാക്സീന്‍. മേഖലാ സ്റ്റോറില്‍ സൂക്ഷിച്ചിരിക്കുന്ന വാക്സീന്‍ ഇന്ന് മറ്റ് ജില്ലകളിലേക്ക് കൈമാറും. തിരുവനന്തപുരത്ത് ഇന്ന് 98 കേന്ദ്രങ്ങളില്‍ കുത്തിവയ്പ്പ് ഉണ്ടാകും. അടുത്ത ദിവസങ്ങളില്‍ മറ്റ് ജില്ലകളിലെ കൂടുതല്‍ കേന്ദ്രങ്ങളിലും വാക്സീന്‍ നല്‍കാനാകും. ക്ഷാമത്തെ തുടര്‍ന്ന് ഭൂരിഭാഗം ജില്ലകളിലും കുത്തിവയ്പ്പ് നിലച്ചിരുന്നു.
