‘ക്രൂരവും മനുഷ്യത്വ രഹിതവും’: നിതിന് രാജിന്റെ മരണത്തില് ഡോ.റാമിന്റെ മുന്കൂര് ജാമ്യാപേക്ഷ തള്ളി സുപ്രീം കോടതി
ന്യൂഡല്ഹി: കണ്ണൂര് അഞ്ചരക്കണ്ടി ഡെന്റല് കോളേജ് വിദ്യാര്ത്ഥി നിതിന് രാജിന്റെ ആത്മഹത്യയില് പ്രതിയായ അധ്യാപകന് ഡോ. എം.കെ റാമിന്റെ മുന്കൂര് ജാമ്യാപേക്ഷ സുപ്രീം കോടതി തള്ളി. ജഡ്ജിമാരായ വിക്രം നാഥ്, സന്ദീപ് മേത്ത എന്നിവരടങ്ങിയ ബെഞ്ചാണ് ജാമ്യാപേക്ഷ തള്ളിയത്.
ഡോ. റാമിനെതിരെ രൂക്ഷ വിമര്ശനങ്ങളാണ് കോടതി ഉന്നയിച്ചത്. വിദ്യാര്ത്ഥികളോട് അധ്യാപകര് ഇങ്ങനെയാണോ പെരുമാറേണ്ടതെന്ന് റാമിന്റെ അഭിഭാഷകനോട് കോടതി ചോദിച്ചു. സഹപാഠികള്ക്ക് മുന്നില് വച്ച് ഇത്തരത്തില് അപമാനിക്കപ്പെടുമ്പോള് വിദ്യാര്ത്ഥികള്ക്ക് ഉണ്ടാകുന്ന മാനസികാവസ്ഥയെപ്പറ്റി ചിന്തിച്ചിട്ടുണ്ടോയെന്നും കോടതി ചോദിച്ചു.
സംഭവം ക്രൂരവും മനുഷ്യത്വ രഹിതവുമാണെന്ന് പറഞ്ഞ കോടതി, ഇത്തരം പ്രവര്ത്തികള് ചെയ്യുന്ന അധ്യാപകര് അതിന്റെ പ്രത്യാഘാതം എന്താണെന്ന് മനസിലാക്കണമെന്നും പറഞ്ഞു. എന്നാല് ജാതി അധിക്ഷേപം നടന്നിട്ടില്ലെന്നും അതിന് തെളിവില്ലെന്നുമായിരുന്നു റാമിന് വേണ്ടി ഹാജരായ അഭിഭാഷകന്റെ വാദം
