മലേഷ്യയിൽ രാജ്യവ്യാപകമായി സമ്പൂർണ ലോക്ക്ഡൗൺ പ്രഖ്യാപിച്ചു; ജൂൺ 1 മുതൽ 14 വരെയാണ് അടച്ചുപൂട്ടൽ

ക്വാലാലംപൂർ: കൊറോണ വൈറസ് അണുബാധ റെക്കോർഡ് നിലവാരത്തിലേക്ക് ഉയർന്നത്തോടെ മലേഷ്യൻ പ്രധാനമന്ത്രി മുഹ്‌യിദ്ദീൻ യാസിൻ രാജ്യവ്യാപകമായി ലോക്ക്ഡൗൺ പ്രഖ്യാപിച്ചു.

അടുത്ത ചൊവ്വാഴ്ച (ജൂൺ 1) മുതൽ ജൂൺ 14 വരെ മലേഷ്യയിൽ രാജ്യവ്യാപകമായി ലോക്ക്ഡൗൺ പ്രാബല്യത്തിൽ വരും. അവശ്യ സാമ്പത്തിക മേഖലകളും സേവനങ്ങളും മാത്രമേ പ്രവർത്തിക്കാൻ അനുവദിക്കൂ.

രാജ്യത്ത് 8,290 പുതിയ കൊറോണ വൈറസ് കേസുകൾ റിപ്പോർട്ട് ചെയ്തതോടെയാണ് വെള്ളിയാഴ്ച (മെയ് 28) പ്രധാനമന്ത്രി മുഹ്‌യിദ്ദീൻ യാസിൻ ലോക്ക്ഡൗൺ പ്രഖ്യാപിച്ചത്.
ഇത് പാൻഡെമിക് ആരംഭിച്ചതുമുതൽ മൊത്തം കേസുകൾ 549,514 ആയി എത്തി

മൂന്നാഴ്ചത്തെ മിതമായ നിയന്ത്രണങ്ങൾ ഏർപ്പെടുത്തിയിട്ടും കോവിഡ് -19 കേസുകളിലും മരണങ്ങളിലും വർദ്ധനവ് ഉണ്ടായതോടെയാണ് നടപടി