ഈ ആഴ്ച മാത്രം രൂപയുടെ മൂല്യം ഏകദേശം രണ്ട് ശതമാനം ഉയര്‍ന്നതായാണ് റിപ്പോര്‍ട്ട്
മുംബൈ: രൂപയുടെ മൂല്യം ഇടിയുന്നത് തടയാന്‍ റിസര്‍വ് ബാങ്ക് ഓഫ് ഇന്ത്യ (ആര്‍ബിഐ) സ്വീകരിച്ച നടപടികള്‍ക്കും ഗവര്‍ണര്‍ സഞ്ജയ് മല്‍ഹോത്രയുടെ പ്രസ്താവനകള്‍ക്കും പിന്നാലെ ഡോളറിനെതിരെ രൂപ ശക്തമായി. ഒരു മാസത്തിലേറെയായി രേഖപ്പെടുത്തുന്ന ഏറ്റവും ഉയര്‍ന്ന നിലയിലേക്കാണ് രൂപയുടെ മൂല്യം ഉയര്‍ന്നത്. വിദേശനാണയ വിപണിയിലെ ഊഹക്കച്ചവടം നിയന്ത്രിക്കാനും രൂപയുടെ മൂല്യത്തില്‍ ക്രമമായ ചലനം ഉറപ്പാക്കാനും കൂടുതല്‍ നടപടികള്‍ സ്വീകരിക്കാമെന്ന ആര്‍ബിഐയുടെ നിലപാട് വിപണിയില്‍ ആത്മവിശ്വാസം വര്‍ധിപ്പിച്ചു.
ബുധനാഴ്ച വ്യാപാരത്തിനിടെ ഡോളറിനെതിരെ രൂപ 94.9125 നിലവാരത്തിലെത്തി. മുന്‍ വ്യാപാരദിനത്തെ അപേക്ഷിച്ച് ഏകദേശം 0.4 ശതമാനത്തിന്റെ നേട്ടമാണിത്. ഈ ആഴ്ച മാത്രം രൂപയുടെ മൂല്യം ഏകദേശം രണ്ട് ശതമാനം ഉയര്‍ന്നതായാണ് റിപ്പോര്‍ട്ട്. ഏഷ്യന്‍ കറന്‍സികളില്‍ ഏറ്റവും മികച്ച പ്രകടനം കാഴ്ചവച്ച കറന്‍സിയായും രൂപ മാറി
