TOP NEWS| കപ്പൽ ആക്രമണത്തിൽ പങ്കില്ലെന്ന്​ ഇറാൻ; പിന്നിൽ ഇറാൻ തന്നെയെന്ന്​ ഇസ്രായേൽ

അറബിക്കടലിൽ ഒമാൻ തീരത്ത്​ ചരക്കു കപ്പലിന് നേരെയുണ്ടായ ആക്രമണത്തിൽ പങ്കില്ലെന്ന്​ ഇറാൻ. എന്നാൽ ആക്രമണത്തിന്‍റെ ഉത്തരവാദിത്തം ഇറാനു തന്നെയാണെന്ന്​ ഇസ്രായേൽ പ്രധാനമന്ത്രി കുറ്റപ്പെടുത്തി. ​അമേരിക്കയുമായി ചേർന്ന്​ തുടർ നടപടികൾ കൈക്കൊള്ളുമെന്നും ഇസ്രായേൽ അറിയിച്ചു.

ലണ്ടൻ ആസ്​ഥാനമായ സോഡിയാക്​ മാരിടൈമിനായി സർവീസ്​ നടത്തിയ എം.വി മെർസർ സ്​ട്രീറ്റാണ്​ കഴിഞ്ഞ ദിവസം ഒമാൻ തീരത്ത്​ ആക്രമിക്കപ്പെട്ടത്​. ഇസ്രായേൽ ശതകോടീശ്വരൻ ഇയാൽ ഒഫറിന്‍റെതാണ്​ സോഡിയാക്​ മാരിടൈം. രണ്ട്​ നാവികർ സംഭവത്തിൽ കൊല്ലപ്പെട്ടിരുന്നു. ഡ്രോണുകൾ ഉപയോഗിച്ചായിരുന്നു ആക്രമണം. ഇസ്രാ​യേൽ ആരോപണം പൂർണമായും തള്ളുന്നതായി ഇറാൻ വിദേശകാര്യ മന്ത്രാലയം പ്രതികരിച്ചു.