മൊബെയിലിൽ ബൈബിൾ ഡൗൺലോഡ് ചെയ്യുകയോ കൈവശം വക്കുകയോ ചെയ്താൽ മരണശിക്ഷ
പുതിയ റിപ്പോർട്ടുകൾ അനുസരിച്ച്, സെൽഫോണുകളിൽ ബൈബിൾ ഡൗൺലോഡ് ചെയ്ത അഫ്ഗാൻകാർ വധിക്കപ്പെട്ടു. അഫ്ഗാനിസ്ഥാനിൽ അവസാനമായി താലിബാൻ നിയന്ത്രണമുണ്ടായിരുന്നപ്പോൾ, മതന്യൂനപക്ഷങ്ങൾക്ക് മതപരിവർത്തനം നടത്തുക്കയോ മരിക്കുകയോ എന്ന തീരുമാനം അല്ലാതെ മാർഗ്ഗമുണ്ടായിരുന്നില്ല. നിലവിൽ നടപ്പാക്കിയ ഈ സമ്പ്രദായം സംബന്ധിച്ച റിപ്പോർട്ടുകൾ ഞെട്ടിപ്പിക്കുന്നതല്ല.
മിഡിൽ ഈസ്റ്റിലെയും വടക്കേ ആഫ്രിക്കയിലെ പള്ളികളിലെയും ക്രിസ്ത്യൻ പരിപാടികൾ പ്രക്ഷേപണം ചെയ്യുന്ന സംഘടനയായ SAT-7, “താലിബാൻ വീടുതോറും പോയി തങ്ങളുടെ ക്രിസ്ത്യൻ വിശ്വാസം ഉപേക്ഷിക്കാൻ വിസമ്മതിക്കുന്നവരെ വധിക്കുകയാണെന്ന്” പ്രക്ഷേപണം ചെയ്തിരുന്നു.
SAT-7 നോർത്ത് അമേരിക്ക പ്രസിഡന്റ് ഡോ. റെക്സ് റോജേഴ്സ് പറഞ്ഞു, ക്രിസ്ത്യാനികളുമായി ബന്ധപ്പെട്ട പുസ്തകങ്ങളോ മറ്റോ ആയി പിടിക്കപ്പെടുകയോ കണ്ടെത്തുകയോ ചെയ്താൽ കൊല്ലപ്പെടുമെന്ന് പ്രദേശത്തെ ഉറവിടങ്ങളിൽ നിന്ന് വരുന്ന റിപ്പോർട്ടുകൾ പറയുന്നു:
“താലിബാൻ ആളുകളുടെ ഫോണുകൾ ആവശ്യപ്പെടുന്നുവെന്ന് വിശ്വസനീയമായ സ്രോതസ്സുകളിൽ നിന്ന് ഞങ്ങൾ കേൾക്കുന്നു, നിങ്ങളുടെ ഉപകരണത്തിൽ ഡൗൺലോഡ് ചെയ്ത ബൈബിൾ കണ്ടെത്തിയാൽ, അവർ നിങ്ങളെ ഉടൻ കൊല്ലും. അഫ്ഗാനികൾക്ക് അവരുടെ ഫോണുകളിൽ ബൈബിളോ എന്തെങ്കിലും ഉണ്ടായിരിക്കുന്നത് ഇപ്പോൾ അവിശ്വസനീയമാംവിധം അപകടകരമാണ്. താലിബാന് എല്ലായിടത്തും ചാരന്മാരും വിവര ദാതാക്കളുമുണ്ട്.
മുൻകാലങ്ങളെ അപേക്ഷിച്ച് തങ്ങൾ മിതവാദികളാണെന്ന് വരുത്തി തീർക്കാനുള്ള ശ്രമം താലിബാൻ ഭീകരർ നടത്തുന്നുണ്ടെങ്കിലും, ഇതിനിടയിൽ ക്രൈസ്തവ പീഡനം അവർ ആരംഭിച്ചതായാണ് യു‌കെ ആസ്ഥാനമായുള്ള‘എക്സ്പ്രസ്‘ അടക്കമുള്ള പ്രമുഖ മാധ്യമങ്ങൾ വിവിധ പ്രാദേശിക മാധ്യമങ്ങളെ ഉദ്ധരിച്ച് റിപ്പോർട്ട് ചെയ്യുന്നത്. ക്രൈസ്തവർ നേരിടുന്ന ദാരുണാവസ്ഥ ‘റിലീസ് ഇന്റർനാഷ്ണൽ‘ എന്ന ക്രൈസ്തവ സന്നദ്ധ സംഘടനയുടെ ബ്രിട്ടനിലെ വക്താവ് ആൻഡ്രു ബോയിഡ് ജിബി ന്യൂസ് എന്ന് മാധ്യമത്തോട് വിശദീകരിച്ചു. താലിബാൻ ഭരണം കൈപ്പിടിയിലൊതുക്കുന്നതിന് മുമ്പേ തന്നെ ക്രൈസ്തവർ രഹസ്യമായിട്ടായിരുന്നു ജീവിച്ചിരുന്നതെന്ന് അദ്ദേഹം പറഞ്ഞു.
ക്രൈസ്തവ വിശ്വാസം സ്വീകരിക്കുക എന്നത് അഫ്ഗാനിസ്ഥാനിൽ ജയിൽശിക്ഷയോ, അതല്ലെങ്കിൽ വധശിക്ഷ പോലുമോ ലഭിക്കാൻ സാധ്യതയുള്ള കുറ്റമാണ്. താലിബാൻ രാജ്യത്തിന്റെ ഭരണം പിടിച്ചത് മുതൽ ക്രൈസ്തവരുടെ അവസ്ഥ കൂടുതൽ സങ്കീർണമായി മാറിയിരിക്കുകയാണ്. ജീവൻ പോലും നഷ്ടപ്പെടുമോ എന്ന പേടിയിലാണ് ക്രൈസ്തവർ ഇപ്പോൾ. ഷിയാ ഹസാരാ സമൂഹത്തിലെ ചിലരാണ് ക്രൈസ്തവ വിശ്വാസം സ്വീകരിച്ചിരിക്കുന്നത്. അവർ ബൈബിൾ മൊബൈലിൽ ഡൗൺലോഡ് ചെയ്തിട്ടുണ്ടോ എന്നറിയാൻ ഭീകരർ മൊബൈൽ ഫോൺ പോലും പരിശോധിച്ച് നോക്കുന്നുണ്ടെന്നും, സമൂഹത്തിലെ അനേകർ ഇങ്ങനെ കൊല്ലപ്പെട്ടതായി തങ്ങൾക്ക് വിവരം ലഭിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.
