ബിസിനസ് ക്ലാസില്‍ ഉറുമ്ബ്; ഡല്‍ഹിയില്‍നിന്ന് ലണ്ടനിലേക്കുള്ള വിമാനം മൂന്നുമണിക്കൂര്‍ വൈകി
ന്യൂഡല്‍ഹി: ലണ്ടനിലേക്കുള്ള എയര്‍ ഇന്ത്യ വിമാനത്തില്‍ ഉറുമ്ബ് ശല്യത്തെ തുടര്‍ന്ന് യാത്ര വൈകി. ഡല്‍ഹിയിലെ ഇന്ദിരാഗാന്ധി വിമാനത്താവളത്തിലാണ് സംഭവം.
എ.െഎ 111 വിമാനത്തിലാണ് ഉറുമ്ബിനെ കണ്ടെത്തിയത്. തിങ്കളാഴ്ച ഉച്ച രണ്ടുമണിക്ക് പുറപ്പെടേണ്ട വിമാനത്തില്‍ ഉറുമ്ബിനെ കണ്ടെത്തിയതിനെ തുടര്‍ന്ന് യാത്ര തടസപ്പെടുകയായിരുന്നു. തുടര്‍ന്ന് അഞ്ചരയോടെ യാത്രക്കാരെ മറ്റൊരു വിമാനത്തില്‍ കയറ്റി യാത്ര തുടര്‍ന്നു.
യാത്രക്കാരെല്ലാം കയറി വിമാനം പുറപ്പെടാന്‍ ഒരുങ്ങുന്നതിന് തൊട്ടുമുമ്ബാണ് ഉറുമ്ബുകളുടെ വലിയ കൂട്ടം ബിസിനസ് ക്ലാസില്‍ ശല്യം തീര്‍ത്തത്. തുടര്‍ന്ന് യാത്രക്കാരെ മറ്റൊരു വിമാനത്തിലേക്ക് മാറ്റുകയായിരുന്നു.
കഴിഞ്ഞ മേയില്‍ പറന്നുയര്‍ന്ന വിമാനത്തില്‍ ചത്ത നിലയില്‍ വവ്വാലിനെ കണ്ടെത്തിയതിനെ തുടര്‍ന്ന് പറന്നുയര്‍ന്ന എയര്‍ ഇന്ത്യവിമാനം തിരികെ ഇറക്കിയിരുന്നു.
