കനത്ത മഴ; ഒഡീഷയില്‍ സ്‌കൂളുകള്‍ അടച്ചു, താഴ്ന്ന പ്രദേശങ്ങള്‍ വെള്ളത്തിലായി
ഭൂവനേശ്വര്‍: കനത്ത മഴ തുടരുന്ന സാഹചര്യത്തില്‍ ഒഡീഷയിലെ സ്‌കൂളുകള്‍ അടച്ചു. സംസ്ഥാനത്തെ 12 ജില്ലകളിലെ സ്‌കൂളുകള്‍ക്കാണ് രണ്ട് ദിവസത്ത അവധി നല്‍കിയത്. ഖോര്‍ധ, പുരി, കട്ടക്ക്, ജഗത്സിങ്പൂര്‍, കേന്ദ്രപാറ, ധെങ്കനല്‍, നയാഗഡ്, ഗഞ്ചം, കന്ധമാല്‍ അംഗുല്‍ ജജ്പൂര്‍, ബൗദ് ജില്ലകളെ സ്‌കൂളുകളാണ് അടച്ചതെന്ന് വിദ്യാഭ്യാസ മന്ത്രി സമീര്‍ ഡാഷ് പറഞ്ഞു. കൊവിഡ് സ്ഥിതി മെച്ചപ്പെട്ടതിനെത്തുടര്‍ന്നാണ് 9, 10, 12 ക്ലാസുകളിലെ കുട്ടികള്‍ക്കായി സ്‌കൂളുകള്‍ വീണ്ടും തുറന്നത്.
