ക്രിസ്ത്യൻ മിഷനറിമാരെക്കുറിച്ച് അന്വേഷണം പ്രക്യാപിച്ച്‌ കർണാടക സംസ്ഥാന സർക്കാർ
ക്രിസ്ത്യൻ മിഷനറിമാരെക്കുറിച്ച് അന്വേഷിക്കാൻ ഉദ്യോഗസ്ഥരോട് ഉത്തരവിട്ട്‌ കർണാടക സംസ്ഥാന സർക്കാർ. മതപരിവർത്തനങ്ങൾ നിയന്ത്രിക്കുകയും നിർബന്ധിത മതപരിവർത്തനങ്ങൾ കുറ്റകരമാക്കുകയും ചെയ്യുന്ന മതപരിവർത്തന നിരോധന നിയമം നടപ്പിലാക്കാൻ കർണാടക തയ്യാറെടുക്കുന്നതിനിടെയാണ് ഉത്തരവ്.
ക്രിസ്ത്യൻ മിഷനറിമാരെക്കുറിച്ച് അന്വേഷിക്കാനുള്ള തീരുമാനം ബുധനാഴ്ച നടന്ന പിന്നാക്ക വിഭാഗങ്ങളുടെയും ന്യൂനപക്ഷ ക്ഷേമ സമിതിയുടെയും യോഗത്തിൽ ബിജെപി എംഎൽഎ ഗൂലിഹട്ടി ശേഖർ മുന്നോട്ട്‌ വയ്ക്കുകയായിരുന്നു. നിരവധി സംസ്ഥാന നിയമസഭാംഗങ്ങൾ യോഗത്തിൽ പങ്കെടുത്തു.
ഗൂലിഹട്ടി ശേഖർ ക്രിസ്ത്യൻ മിഷനറിമാരുടെ രജിസ്ട്രേഷനുവേണ്ടി വാദിച്ചതായും കർണാടകയിലെ 40% പള്ളികൾ അനൗദ്യോഗികമാണെന്നും സംസ്ഥാനം അംഗീകരിച്ചിട്ടില്ലെന്നും അവകാശപ്പെട്ടു. ഈ പ്രവർത്തനങ്ങൾക്ക് പുറമേ, ഹിന്ദുമതത്തിൽ നിന്ന് ക്രിസ്തുമതത്തിലേക്ക് പരിവർത്തനം ചെയ്യുന്ന വ്യക്തികളിൽ നിന്നുള്ള സർക്കാർ ആനുകൂല്യങ്ങൾ പിൻവലിക്കുന്നതിനെക്കുറിച്ചും കമ്മിറ്റി അംഗങ്ങൾ ചർച്ച ചെയ്തു.
കഴിഞ്ഞ ആഴ്ചകളിൽ, കർണാടക സർക്കാരിലെ ബിജെപി അംഗങ്ങൾ മതപരിവർത്തന നിരോധന നിയമം നടപ്പിലാക്കുന്നതിനെ പിന്തുണയ്ക്കുന്ന പ്രസ്താവനകൾ നടത്തിയിരുന്നു. കർണാടകയിൽ ക്രിസ്തുമതത്തിലേക്കുള്ള പരിവർത്തനം നിയന്ത്രണം വിട്ടുപോയതായും മതപരിവർത്തനം നിയന്ത്രിക്കാനും നിർബന്ധിത മതപരിവർത്തനങ്ങൾക്ക് ശിക്ഷ നൽകാനും ഒരു നിയമം കൊണ്ടുവരണമെന്നും ഇവർ അവകാശപ്പെട്ടു.
രാജ്യത്തെ വിവിധ സംസ്ഥാന സർക്കാരുകൾ ഇത് സംബന്ധിച്ച് നടപ്പിലാക്കിയ നിയമങ്ങൾ സർക്കാർ പഠിക്കുന്നുണ്ടെന്ന് മുഖ്യമന്ത്രി ബസവരാജ് ബൊമ്മൈ പറഞ്ഞു. “ഇത് സംബന്ധിച്ച നിയമം ഉടൻ തന്നെ കർണാടകയിൽ പ്രാബല്യത്തിൽ വരും.”
മൺസൂൺ സെഷനിൽ ഉള്ള അസംബ്ലിയിൽ ശേഖർ മതപരിവർത്തന വിഷയം ഉന്നയിച്ചു, തന്റെ അമ്മ അറിയാതെ ക്രിസ്തുമതം സ്വീകരിച്ചെന്ന് അവകാശപ്പെട്ടു. ഈ ആഴ്ച ആദ്യം, ശേഖർ മാധ്യമങ്ങളോട് റിപ്പോർട്ട് ചെയ്തത്, തന്റെ അമ്മ ഒരു ‘ഘർ വാപ്സി’ പരിപാടിയിൽ പങ്കെടുക്കുകയും വീണ്ടും ഹിന്ദുമതത്തിലേക്ക് പരിവർത്തനം ചെയ്യുകയും ചെയ്തു എന്നാണ്.
ഇന്ത്യയിലുടനീളം, തീവ്ര ഹിന്ദു ദേശീയവാദികൾ ന്യൂനപക്ഷങ്ങളുടെ മതസ്വാതന്ത്ര്യം പരിമിതപ്പെടുത്തുന്ന നിയമങ്ങൾ ദുരുപയോഗം ചെയ്യുന്ന സാഹചര്യമാണ്‌ കാണുന്നത്‌.
ഈ ദേശീയവാദികളുടെ അഭിപ്രായത്തിൽ, താഴ്ന്ന ജാതിക്കാരായ ഹിന്ദുക്കളെ നിയമവിരുദ്ധ മാർഗങ്ങളിലൂടെ ക്രിസ്തുമതത്തിലേക്കും ഇസ്ലാമിലേക്കും പരിവർത്തനം ചെയ്യുന്നുവെന്നും ഇത് സംഭവിക്കുന്നത് തടയാൻ ഒരു നിയമം കൊണ്ടുവരണമെന്നുമാണ്‌.
ഇന്ത്യൻ ഭരണഘടനയുടെ ആർട്ടിക്കിൾ 25 ഒരു വ്യക്തിക്ക് ഇഷ്ടമുള്ള മതം സ്വതന്ത്രമായി അവകാശപ്പെടാനും ആചരിക്കാനും പ്രചരിപ്പിക്കാനുമുള്ള അവകാശങ്ങൾ സംരക്ഷിക്കുന്നു. മറ്റ് സംസ്ഥാനങ്ങളിൽ നടപ്പാക്കിയ മതപരിവർത്തന നിരോധന നിയമങ്ങൾ ഈ ഭരണഘടനാപരമായ അവകാശത്തെ പരിമിതപ്പെടുത്തുന്നു, വ്യക്തികൾ അവരുടെ മതം മാറിയാൽ അത്‌ സർക്കാർ അംഗീകരിക്കണമെന്ന് ആവശ്യപ്പെടുന്നു. ഇതിനുപുറമെ, താഴ്ന്ന ജാതിയിൽ നിന്നുള്ള വ്യക്തികൾ ഹിന്ദുമതത്തിൽ നിന്ന് ക്രിസ്തുമതത്തിലേക്കോ ഇസ്ലാമിലേക്കോ പരിവർത്തനം ചെയ്യുമ്പോൾ സർക്കാർ ആനുകൂല്യങ്ങൾ നഷ്ടപ്പെടുന്നതിന്റെ അനന്തരഫലങ്ങളും അഭിമുഖീകരിക്കുന്നു.
തീവ്ര ഹിന്ദു ദേശീയവാദികൾ ക്രിസ്ത്യാനികളെ പീഡിപ്പിക്കുകയും പള്ളികൾ അടയ്ക്കുകയും ചെയ്യുമ്പോൾ മതപരിവർത്തന നിയമങ്ങൾ ദുരുപയോഗം ചെയ്ത്‌ നിയമപരമായ പരിരക്ഷയായി ഉപയോഗിക്കുന്നു. ഒരു പാസ്റ്ററെ ആക്രമിച്ചതിന് ശേഷം അല്ലെങ്കിൽ ഒരു പള്ളി സേവനത്തെ തടസ്സപ്പെടുത്തിയതിന് ശേഷം, കുറ്റവാളികൾ അവരുടെ ക്രിമിനൽ പ്രവർത്തനങ്ങളെ ന്യായീകരിക്കാൻ മതപരിവർത്തനത്തിൽ ഏർപ്പെട്ടതായി തെറ്റായി ആരോപിക്കുന്നതിൻ ഫലമായി, പോലീസ് ക്രിസ്ത്യാനികളെ അറസ്റ്റ് ചെയ്യുകയും കുറ്റവാളികളെ സ്വതന്ത്രരാക്കാൻ അനുവദിക്കുകയും ചെയ്യുന്നു.
