2022ലെ സംസ്ഥാന പൊതു അവധി ദിനങ്ങള്‍ ഇതാ; ദുഃഖവെള്ളിയും വിഷുവും ഒരേദിനം
2022ലെ സംസ്ഥാനത്തെ പൊതു അവധി ദിനങ്ങള്‍ പ്രഖ്യാപിച്ച് സര്‍ക്കാര്‍. പൊതു അവധികളും നെഗോഷ്യബിള്‍ ഇന്‍സ്ട്രുമെന്റ് ആക്ട് പ്രകാരമുള്ള അവധികളുമാണ് പ്രഖ്യാപിച്ചത്. 26 പൊതു അവധിയും മൂന്ന് നിയന്ത്രിത അവധികളും ഇതില്‍ ഉള്‍പ്പെടുന്നു. മന്ത്രിസഭായോഗത്തിലാണ് ഇതു സംബന്ധിച്ച തീരുമാനമയത്. അവധികളില്‍ ആറെണ്ണം ഞായറാഴ്ചയും മൂന്നെണ്ണം രണ്ടാം ശനിയാഴ്ചയുമാണ്.
ജനുവരി 26 റിപ്പബ്ലിക് ദിനം, മാര്‍ച്ച് ഒന്ന് ശിവരാത്രി, ഏപ്രില്‍ 14 പെസഹ വ്യാഴം/ഡോക്ടര്‍ അംബേദ്കര്‍ ജയന്തി, ഏപ്രില്‍ 15 ദുഃഖവെള്ളി/വിഷു, മെയ് രണ്ട് ഈദുല്‍ ഫിത്ര്, ജൂലൈ 28 കര്‍ക്കടക വാവ്, ആഗസ്റ്റ് 15 സ്വാതന്ത്ര്യദിനം, ഓഗസ്റ്റ് 18 ശ്രീകൃഷ്ണ ജയന്തി, സെപ്തംബര്‍ ഏഴ് ഒന്നാം ഓണം, സെപ്തംബര്‍ എട്ട് തിരുവോണം, സെപ്തംബര്‍ ഒന്‍പത് മൂന്നാം ഓണം, സെപ്തംബര്‍ 21 ശ്രീനാരായണ ഗുരു സമാധി, ഒക്ടോബര്‍ നാല് മഹാനവമി, ഒക്ടോബര്‍ അഞ്ച് വിജയദശമി, ഒക്ടോബര്‍ 24 ദീപാവലി എന്നിങ്ങനെയാണ് സംസ്ഥാനത്തെ പൊതു അവധികള്‍.
ജനുവരി രണ്ട് മന്നം ജയന്തി, ഏപ്രില്‍ 17 ഈസ്റ്റര്‍, മെയ് 1, മേയ് ദിനം, ഓഗസ്റ്റ് 28 അയ്യന്‍ കാളി ജയന്തി, ഒക്ടോബര്‍ രണ്ട് ഗാന്ധി ജയന്തി, ഡിസംബര്‍ 25 ക്രിസ്തുമസ് എന്നീ പൊതുഅവധികള്‍ ഞായറാഴ്ചയാണ്. ജൂലൈ ഒന്‍പത് ഈദുല്‍ അദ്അ (ബക്രീദ്), സെപ്തംബര്‍ 10 നാലാം ഓണം/ ശ്രീനാരായണ ഗുരു ജയന്തി , ഒക്ടോബര്‍ എട്ട് മിലാദി ശെരീഫ് എന്നീ പൊതു അവധികള്‍ രണ്ടാം ശനിയാഴ്ചയും. ഈദുല്‍ ഫിത്ര്, മുഹര്‍റം, ഈദുല്‍ അദ്അ, മിലാദി ശെരീഫ് എന്നീ അവധി ദിനങ്ങള്‍ ചാന്ദ്ര ദര്‍ശനം അനുസരിച്ച് വ്യത്യാസപ്പെടാം.
