കുവൈത്ത് പൗരന്മാർക്ക് ഇന്ത്യ സന്ദർശിക്കാം ; അപേക്ഷ സ്വീകരിച്ച് തുടങ്ങി

കുവൈത്ത് സിറ്റി∙ ഇന്ത്യ സന്ദർശിക്കാനുള്ള വീസ അപേക്ഷ സ്വീകരിച്ച് തുടങ്ങി ഇന്ത്യൻ എംബസി.  2020 മാർച്ചിൽ നിർത്തിവച്ച സംവിധാനമാണ് പുനരാരംഭിച്ചത്. കോവിഡ് വാക്സീൻ എടുത്തവരാണെങ്കിൽ ഇന്ത്യ സന്ദർശിക്കാൻ ക്വാറൻറീൻ ആവ‌ശ്യമില്ലെന്ന് ഇന്ത്യൻ സ്ഥാനപതി സിബി ജോർജ് അറിയിച്ചു.

അതെ സമയം അപേക്ഷയ്ക്കൊപ്പം വാക്സീൻ സർട്ടിഫിക്കറ്റ് ഹാജരാക്കണം. യാത്ര പുറപ്പെടൂം മുൻപ് പിസിആർ പരിശോധനയും നടത്തണം. അപേക്ഷ സ്വീകരിക്കുന്ന ദിവസമോ അടുത്ത ദിവസമോ കുവൈത്തികൾക്ക് ഇന്ത്യയിലേക്കുള്ള സന്ദർശക വീസ അനുവദിക്കും.