BREAKING// സിഡ്നിയിൽ ഒമിക്രോൺ സാമൂഹിക വ്യാപനം; അതീവജാഗ്രതയിൽ ഓസ്ട്രേലിയ

സിഡ്നി• ഓസ്ട്രേലിയയിലെ ഏറ്റവും വലിയ നഗരമായ സിഡ്നിയിലും കോവിഡിന്റെ പുതിയ വകഭേദമായ ഒമിക്രോണിന്റെ സാമൂഹിക വ്യാപനം സ്ഥിരീകരിച്ചതായി രാജ്യാന്തര മാധ്യമങ്ങൾ റിപ്പോർട്ട് ചെയ്തു. ക്വീൻസ്‌ലൻഡിൽ ഒരാൾക്കും, ന്യൂസൗത്ത് വെയ്‌ൽസിൽ കുറഞ്ഞതു 15 പേർക്കെങ്കിലും നേരത്തെ കോവിഡിന്റെ വകഭേദം സ്ഥിരീകരിച്ചിരുന്നു. സിഡ്നിയിൽ പ്രാദേശികമായിത്തന്നെ 5 പേർക്കു വൈറസ് സ്ഥിരീകരിച്ചതായാണു റിപ്പോർട്ടുകൾ. രണ്ടു സ്കൂളുകളിൽനിന്നും ഒരു ജിംനേഷ്യത്തിൽനിന്നുമാകാം നഗരത്തിൽ കോവിഡ് വ്യാപിച്ചതെന്നാണ് നിഗമനം.