കോവിഡ് പ്രോട്ടോക്കോള്‍; സൗദിയില്‍ റസ്റ്റോറന്‍റുകള്‍ക്കും കഫേകള്‍ക്കും മുന്നറിയിപ്പ്
Related Posts
സൗദിയില്‍ കോവിഡ് പ്രോട്ടോക്കോള്‍ കൃത്യമായി പാലിക്കാത്ത റസ്റ്റോറന്റുകളുടെ പ്രവര്‍ത്തനം അവസാനിപ്പിക്കേണ്ടി വരുമെന്ന് മുനിസിപ്പല്‍ മന്ത്രാലയം മുന്നറിയിപ്പ് നല്‍കി. രാജ്യത്ത് കോവിഡ് വ്യാപനം വീണ്ടും രൂക്ഷമാകുന്ന സാഹചര്യത്തിലാണ് മന്ത്രാലയം നിബന്ധന കര്‍ശനമാക്കിയത്. വകഭേദം സംഭവിച്ച കോവിഡിന്റെ വ്യാപനം രാജ്യത്ത് വീണ്ടും ശക്തമായ സാഹചര്യത്തില്‍ മന്ത്രാലയം നിര്‍ദ്ദേശിച്ച നിര്‍ദ്ദേശങ്ങള്‍ കൃത്യമായി പാലിക്കാത്ത സ്ഥാപനങ്ങള്‍ക്കാണ് മുന്നറിയിപ്പ് നല്‍കിയത്. കോവിഡ് പ്രോട്ടോക്കോള്‍ പാലിക്കുന്നതില്‍ വീഴ്ച വരുത്തുന്ന റസ്റ്റോറന്റുകളും കഫേകളും അടച്ചു പൂട്ടേണ്ടി വരുമെന്ന് മുനിസിപ്പല്‍ കാര്യ മന്ത്രാലയം പ്രസ്ഥാവനയില്‍ വ്യക്തമാക്കി.
