അബുദാബിയില്‍ വാഹനാപകടം; രണ്ട് ഏഷ്യക്കാര്‍ മരിച്ചു, 11 പേര്‍ക്ക് പരിക്ക്
Related Posts
അബുദാബി: അബുദാബി-അല്‍ ഐന്‍ റോഡില്‍ (Abu Dhabi-Al Ain) ബസ് മറ്റൊരു വാഹനവുമായി കൂട്ടിയിടിച്ചുണ്ടായ അപകടത്തില്‍ (road accident) രണ്ടു മരണം. അപകടത്തില്‍ 11 പേര്‍ക്ക് പരിക്കേറ്റു. റാമ മേഖലയിലാണ് അപകടം ഉണ്ടായത്. പരിക്കേറ്റവരെ തവാം ആശുപത്രിയിലും ശൈഖ് ശഖ്ബൂത് മെഡിക്കല്‍ സിറ്റിയിലും പ്രവേശിപ്പിച്ചു. അപകടത്തില്‍ മരിച്ചവരും പരിക്കേറ്റവരും ഏഷ്യന്‍ വംശജരാണെന്ന് അബുദാബി പൊലീസ് അറിയിച്ചു. അമിതവേഗം, പെട്ടെന്നുള്ള ലേന്‍ മാറ്റം, വാഹനങ്ങള്‍ തമ്മില്‍ ആവശ്യമുള്ള അകലം പാലിക്കാതിരിക്കുക എന്നിവയാണ് അപകടത്തിന് കാരണമായതെന്നാണ് പ്രാഥമിക അന്വേഷണത്തില്‍ വ്യക്തമാകുന്നതെന്ന് അല്‍ ഐന്‍ ട്രാഫിക് വിഭാഗം മേധാവി ലെഫ്. കേണല്‍ സെയ്ഫ് നായിഫ് അല്‍ അമ്രി പറഞ്ഞു.
