അബൂദബിയിൽ ഇനി വിമാനത്താവളത്തിൽ പി.സി.ആർ പരിശോധനയുണ്ടാവില്ല

അബൂദബിയിലെത്തുന്ന യാത്രക്കാർക്ക് ഇനി മുതൽ വിമാനത്താവളത്തിൽ പി.സി.ആർ പരിശോധനയുണ്ടാവില്ല. വാക്‌സിൻ സ്വീകരിച്ചവർക്കും അല്ലാത്തവർക്കും ഈ ഇളവ് ലഭിക്കുമെന്ന് ഇത്തിഹാദ് എയർലൈൻസ് വാർത്താകുറിപ്പിൽ അറിയിച്ചു. അബൂദബിയിലെത്തുന്നവർക്ക് വിമാനത്താവളത്തിൽ പി.സി.ആർ പരിശോധന നിർബന്ധമില്ല എങ്കിലും ആവശ്യമെങ്കിൽ സ്വന്തം ചെലവിൽ പരിശോധനക്ക് വിധേയമാകാം. വിമാനത്താവളത്തിലെ പി.സി.ആർ പരിശോധനാകേന്ദ്രത്തിൽ ഇതിന് 40 ദിർഹം ഈടാക്കും. നേരത്തേ വാക്‌സിൻ സ്വീകരിച്ച യാത്രികർക്ക് പുറപ്പെടുന്നതിനു മുമ്പുള്ള കോവിഡ് പരിശോധനാ സർട്ടിഫിക്കറ്റ് ആവശ്യമില്ലെന്ന് അബൂദബി അറിയിച്ചിരുന്നു. പുതിയ തീരുമാനപ്രകാരം വന്നിറങ്ങിയ ശേഷമുള്ള പരിശോധനയും ഒഴിവാക്കി.