സൗദിയിലെ അബഹ വിമാനത്താവളം വിപുലീകരിക്കുന്നു

ആകർഷകമായ വിനോദസഞ്ചാര കേന്ദ്രമെന്ന നിലയിൽ അസീർ മേഖലയുടെ പ്രാധാന്യം വർദ്ധിച്ച് വരുന്ന സാഹചര്യത്തിലാണ് അബഹ വിമാനത്താവളം വിപുലീകരിക്കുന്നത്. പദ്ധതി പൂർത്തിയാകുന്നതോടെ നിലവിലെ വിമാനത്താവളത്തിലെ സൗകര്യങ്ങൾ പതിൻമടങ്ങ് വർധിക്കും. നിലവിൽ 10,500 ചതുരശ്ര മീറ്ററിൽ പ്രവർത്തിക്കുന്ന ടെർമിനലിൻ്റെ വിസ്തീർണം 65,000 ചതുരശ്ര മീറ്ററായി ഉയർത്തും. 2028ഓടെ പദ്ധതിയുടെ ആദ്യ ഘട്ടം പൂർത്തിയാക്കാനാകുമെന്നാണ് പ്രതീക്ഷ.