അലൈൻ ഹെബ്രോൺ ഐപിസി യുടെ ആഭിമുഖ്യത്തിൽ ‘ഹെബ്രോൺ ഫെസ്റ്റ് 2023’ ഏകദിന കൺവെൻഷൻ നാളെ
അലൈൻ : ഹെബ്രോൺ ഐ.പി.സി അലൈന്റെ നേതൃത്വത്തിൽ നടത്തപ്പെടുന്ന ‘ഹെബ്രോൺ ഫെസ്റ്റ് 2023’ ഏകദിന കൺവെൻഷൻ 2023 നവംബർ 15 ബുധനാഴ്ച (നാളെ) വൈകിട്ട് 07:30 മുതൽ അലൈൻ ഇവാഞ്ചലിക്കൽ ചർച്ച് സെന്റർ ആർക്ക് ഹാളിൽ നടക്കും. സഭാ ശുശ്രൂഷകൻ റവ. ഡോ. സൈമൺ ചാക്കോ അദ്ധ്യക്ഷത വഹിക്കുന്ന കൺവൻഷനിൽ പാസ്റ്റർ സാം കുമരകം വചനശുശ്രൂഷ നിർവഹിക്കും. പാസ്റ്റർ കെ. എസ്. ജേക്കബ് (അലൈൻ ഐപിസി) പ്രാർത്ഥിച്ചാരംഭിക്കുന്ന യോഗത്തിൽ ഹെബ്രോൺ മെലഡീസ് ഗാന ശുശ്രൂഷക്ക് നേതൃത്വം നൽകും. ചാർലി തങ്കച്ചൻ (സെക്രട്ടറി), റെജി സുകുമാരൻ (ട്രഷറർ) എന്നിവർ ക്രമീകരണങ്ങൾക്ക് നേതൃത്വം നൽകും.
